ତଞ୍ଜାନିଆ ଭାଇଙ୍କ ମୁଣ୍ଡରେ ଚଢ଼ିଲା KGF ର ପାଗଲାମୀ, ଆକ୍ଟିଙ୍ଗ ଦେଖି ଲୋକମାନେ ଆଶ୍ଚର୍ଯ୍ୟ ! ଦେଖନ୍ତୁ ଭିଡ଼ିଓ
ତଞ୍ଜାନିଆର କିଲି ପାଲ୍ ( Kili paul) ଆଜିକାଲି ଭାରତରେ ଏକ ଇଣ୍ଟରନେଟ୍ ସେନ୍ସେସ୍ ହୋଇ ରହିଛନ୍ତି। ସେ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଭାରତୀୟ ଗୀତରେ ନୃତ୍ୟ ଏବଂ ଲିପ୍-ସିଙ୍କ୍ ଭିଡିଓ ପୋଷ୍ଟ କରନ୍ତି। ଯାହା ଭାରତରେ ବହୁତ ପସନ୍ଦ କରାଯାଉଛି। ଏହି ଭିଡିଓଗୁଡିକ ମାଧ୍ୟମରେ ହିଁ ତଞ୍ଜାନିଆର କିଲି ପଲ୍ ଆଜି ଏକ ସୋସିଆଲ୍ ମିଡିଆ ତାରକା ହୋଇପାରିଛନ୍ତି।
KGF-2 ର ଡାଇଲଗ ଉପରେ ତିଆରି କଲେ ରିଲସ।
କିଲି ପଲ ବଲିଉଡ଼ ଚଳଚିତ୍ର ସହ ଟଲିଉଡ଼ ଚଳଚିତ୍ର ମଧ୍ୟ ବହୁତ ପସନ୍ଦ କରନ୍ତି।ସେଥିପାଇଁ ସେ ପ୍ରତିଦିନ ଟଲିଉଡର ସୁପରହିଟ୍ ଗୀତଗୁଡ଼ିକରେ ଲିପ୍-ସିଙ୍କ୍ କରି ଭିଡିଓ ସେୟାର୍ କରନ୍ତି। ବର୍ତ୍ତମାନ କନ୍ନଡ ଚଳଚ୍ଚିତ୍ର ‘କେଜିଏଫ୍ ଚାପଟର 2 ‘ ର ଡାଇଲଗ ଗୁଡିକ କିଲି ପଲଙ୍କ ମୁଣ୍ଡରେ ଘୁରିବୁଲୁଛି। ସୁପରଷ୍ଟାର ୟଶଙ୍କ ଫିଲ୍ମ ‘କେଜିଏଫ ଚାପଟର 2’ ଗୋଟିଏ ଦିନ ପୂର୍ବରୁ ମୁକ୍ତିଲାଭ କରିଛି। ଏକ ଭିନ୍ନ ଶୈଳୀରେ ଫିଲ୍ମର ଏକ ଡାଇଲଗ ଉପରେ କିଲି ପଲ୍ ଲିପ୍-ସିଙ୍କ୍ କରିଛନ୍ତି।
View this post on Instagram
ଲିପ-ସିଙ୍କ୍ ସହିତ ଫିଲ୍ମର ଏକ କ୍ଲିପ ପରି କିଲି ପଲ୍ ମଧ୍ୟ ନିଜ ଭିଡ଼ିଓରେ ଅଭିନୟ କରିଛନ୍ତି। ଏହା କରି ସେ ଇଣ୍ଟରନେଟ୍ ବ୍ୟବହାରକାରୀଙ୍କ ହୃଦୟ ଜିତିଛନ୍ତି। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି କିଲି ପଲ , ଯିଏ ସାଧାରଣତଃ ପାରମ୍ପାରିକ ପୋଷାକରେ ଭିଡିଓ ସେୟାର କରନ୍ତି, ଏହି ଭିଡିଓ ପାଇଁ କିଛି ଅଲଗା କରିଛନ୍ତି। ସେ ‘କେଜିଏଫ୍ 2 ‘ର ପ୍ରସିଦ୍ଧ ଡାଇଲଗ ଲିପ୍-ସିଙ୍କ ପାଇଁ ଏକ ସୁଟ୍ ପିନ୍ଧିଛନ୍ତି। ସେ ସୁଟରେ ବହୁତ ସୁନ୍ଦର ଦେଖାଯାଉଛନ୍ତି।
କିଲି ପାଲଙ୍କ ଚମତ୍କାର ପୋଜ୍।
କିଲି ପାଲଙ୍କ ଏହି ଭିଡିଓ ବାସ୍ତବରେ ତାଙ୍କର ବାକି ଭିଡିଓ ତୁଳନାରେ ଭିନ୍ନ। ଯେତେବେଳେ ସେ ଫିଲ୍ମର ଡାଇଲଗ ଗୁଡିକରେ ଲିପ୍-ସିଙ୍କ୍ କରନ୍ତି, ସେତେବେଳେ ତାଙ୍କର ମନୋଭାବ ଆଶ୍ଚର୍ଯ୍ୟଜନକ ଦେଖାଯାଏ। ଭିଡିଓ ଦେଖିବା ପରେ ଆପଣ ମଧ୍ୟ କିଲି ପାଲଙ୍କ ଅଭିନୟକୁ ପ୍ରଶଂସା ନକରି ରହିପାରିବେ ନାହିଁ। ଏହି ଭିଡିଓକୁ କିଲି ପାଲ ତାଙ୍କ ଇନଷ୍ଟାଗ୍ରାମ ଆକାଉଣ୍ଟ kili_paul ରେ ସେୟାର କରିଛନ୍ତି।