‘ପ୍ରଧାନମନ୍ତ୍ରୀ ମୋଦୀ ଦିନକୁ କେବଳ ଦୁଇ ଘଣ୍ଟା ହିଁ ଶୁଅନ୍ତି’

ଅଧିକାଂଶ ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କର ଜୀବନଶୈଳୀକୁ ନେଇ ବି-ରୋ-ଧି ଏବଂ ସୋସିଆଲ ମିଡିଆରେ ବହୁତ ଚର୍ଚ୍ଚା ଚାଲିଥାଏ। ସେ ଆମ୍ବ ଖାଇବା ହେଉ କିମ୍ୱା ଦାମୀ ପୋଷାକ ପିନ୍ଧିବା ଅବା ଫଟୋ ସୁଟ କରିବା, ଏହି ସମସ୍ତ ପ୍ରସଙ୍ଗ ବି-ରୋ-ଧିଙ୍କୁ ରାଜନୀତିର ଏକ ଖୋରାକ ଯୋଗାଏ। ତେବେ ପ୍ରଧାନମନ୍ତ୍ରୀ ମୋଦିଙ୍କ ଶୋଇବା ସମୟକୁ ନେଇ ବର୍ତ୍ତମାନ ଜଣେ ବରିଷ୍ଠ ବିଜେପି ନେତା ଆଶ୍ଚର୍ଯ୍ୟକର ବୟାନ ଦେଇଛନ୍ତି। ପୂର୍ବରୁ ପ୍ରଧାନମନ୍ତ୍ରୀ ୧୮ ଘଣ୍ଟା ପର୍ଯ୍ୟନ୍ତ କାମ କରିଥାନ୍ତି ବୋଲି ଦାବି କରାଯାଇଥିଲା।

ମହାରାଷ୍ଟ୍ର ବିଜେପି ସଭାପତି ଚନ୍ଦ୍ରକାନ୍ତ ପାଟିଲ ଦାବି କରିଛନ୍ତିଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରତ୍ୟେକଦିନ ମାତ୍ର ଦୁଇ ଘଣ୍ଟା ଶୁଅନ୍ତି। ସେ ଏକ ପରୀକ୍ଷଣ କରୁଛନ୍ତି, ଯାହା ଦ୍ୱାରା ତାଙ୍କୁ ଶୋଇବା ଆବଶ୍ୟକ ରହିବ ନାହିଁ ଏବଂ ଦେଶ ପାଇଁ ୨୪ ଘଣ୍ଟା ସେ କାମ ଜାରି ରଖିବେ। କୋଲହାପୁରରେ ବିଜେପି କର୍ମୀଙ୍କୁ ସମ୍ବୋଧିତ କରିବା ସମୟରେ ପାଟିଲ ଏହିପରି ମନ୍ତବ୍ୟ ଦେଇଛନ୍ତି। ସେ ଦାବି କରିଛନ୍ତିକି, ‘ପିଏମ ମୋଦି ପ୍ରଧାନମନ୍ତ୍ରୀ ଦେଶ ପାଇଁ ପ୍ରତି ମିନିଟରେ କାମ କରନ୍ତି। ସେ କେବଳ ଦୁଇ ଘଣ୍ଟା ଶୋଇଥାନ୍ତି ଏବଂ ପ୍ରତ୍ୟେକଦିନ ୨୨ ଘଣ୍ଟା କାମ କରନ୍ତି। କିଭଳି ଶୋଇବା ଆବଶ୍ୟକ ରହିବ ନାହିଁ, ତାହା ଉପରେ ପ୍ରଧାନମନ୍ତ୍ରୀ ପରୀକ୍ଷଣ ଚଲାଇଛନ୍ତି।’

କୋଲ୍ହାପୁର ଉତ୍ତର ବିଧାନସଭା ଉପ-ନିର୍ବାଚନ ପୂର୍ବରୁ ବିଜେପି ମୁଖ୍ୟ କହିଛନ୍ତିଯେ, ପ୍ରଧାନମନ୍ତ୍ରୀ ମୋଦି ଶୋଇବାକୁ ନିୟନ୍ତ୍ରଣ କରିବାକୁ ଚେଷ୍ଟା କରୁଛନ୍ତି ଯାହା ଦ୍ୱାରା ସେ ୨୪ ଘଣ୍ଟା ଜାଗ୍ରତ ରହି ପାରିବେ ଓ ଦେଶ ପାଇଁ କାମ କରିପାରିବେ। ସେ କହିଛନ୍ତିକି, ମୋଦି ଗୋଟିଏ ମିନିଟ ମଧ୍ୟ ନଷ୍ଟ କରନ୍ତି ନାହିଁ। ପ୍ରଧାନମନ୍ତ୍ରୀ ଅତ୍ୟନ୍ତ ଦକ୍ଷତାର ସହିତ କାର୍ଯ୍ୟ କରନ୍ତି ଏବଂ ଦେଶର କୌଣସି ଦଳରେ ଘଟୁଥିବା ଘ-ଟ-ଣା ବିଷୟରେ ସେ ବର୍ତ୍ତମାନ ଅବଗତ ଅଛନ୍ତି।

ସୂଚନା ଅନୁସାରେ, ଉତ୍ତର ପ୍ରଦେଶ ସମେତ ଚାରୋଟି ରାଜ୍ୟରେ ସରକାର ଗଠନ ସମ୍ପର୍କରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କର ବାସଭବନରେ ରବିବାର ଦିନ ଏକ ବୈଠକ ଅନୁଷ୍ଠିତ ହୋଇଥିଲା। ସୂତ୍ର ଅନୁସାରେ, ଏହି ବୈଠକରେ ପ୍ରଧାନମନ୍ତ୍ରୀଙ୍କୁ ରାଜ୍ୟ ନେତାଙ୍କ ସହିତ ଶୀର୍ଷ ନେତୃତ୍ୱ ନେଇଥିବା ଆଲୋଚନା ସମ୍ପର୍କରେ ସୂଚନା ଦିଆଯାଇଥିଲା। ବୈଠକରେ କେନ୍ଦ୍ର ମନ୍ତ୍ରୀ ଅମିତ ଶାହା, ରାଜନାଥ ସିଂ ଏବଂ ବିଜେପି ଅଧ୍ୟକ୍ଷ ଜେପି ନାଡ୍ଡା ମଧ୍ୟ ଉପସ୍ଥିତ ଥିଲେ। ଦଳର କେନ୍ଦ୍ରୀୟ ପର୍ଯ୍ୟବେକ୍ଷକମାନେ ସୋମବାର ଦିନ ଏହି ରାଜ୍ୟକୁ ଗସ୍ତ କରିବେ।