ବିହାରର ଏକ କୃଷକ ପରିବାରରେ ଉତ୍ସବର ପରିବେଶ ସୃଷ୍ଟି ହୋଇଛି। ଉତ୍ସବ ହେବାର କାରଣ ହେଉଛି ଏହି ପରିବାରର ତିନି ଝିଅ ଏକତ୍ର ସଫଳତାର ପତାକା ଉତ୍ତୋଳନ କରି ଇନ୍ସପେକ୍ଟର ନିଯୁକ୍ତି ପରୀକ୍ଷାରେ ଉତ୍ତୀର୍ଣ୍ଣ ହୋଇଛନ୍ତି। କେବଳ ପରିବାର ନୁହେଁ ଏହି ଅଞ୍ଚଳର ଲୋକମାନେ ମଧ୍ୟ ଏହି ତିନି ଭଉଣୀଙ୍କ ସଫଳତା ପାଇଁ ଗର୍ବିତ ଅନୁଭବ କରୁଛନ୍ତି।
ଗତ ବର୍ଷ ଡିସେମ୍ବର ମାସରେ ବିହାରର ପ୍ରାୟ ଛଅ ଲକ୍ଷ ଯୁବକ ଇନ୍ସପେକ୍ଟର ନିଯୁକ୍ତି ପାଇଁ ପରୀକ୍ଷା ଦେଇଥିଲେ। ସେଥିମଧ୍ୟରୁ କେବଳ 47 ହଜାର 900 ପାସ୍ କରିବାକୁ ସକ୍ଷମ ହୋଇଛନ୍ତି। ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଯେଉଁ ପରୀକ୍ଷାରେ ପ୍ରାୟ ସାଢେ ପାଞ୍ଚ ଲକ୍ଷ ଯୁବକ ବିଫଳ ହୋଇଥିଲେ ବେଗୁସରାୟର ଏକ ଗାଁର ତିନି ଭଉଣୀ ଏକତ୍ର ସଫଳତା ହାସଲ କରି ସମସ୍ତଙ୍କୁ ଆଶ୍ଚର୍ଯ୍ୟ କରିଛନ୍ତି। ଆଉ ଏକ ମଜାର ବିଷୟ ହେଉଛି ଏହି ତିନିଜଣ ପୂର୍ବରୁ ହିଁ ସରକାରୀ ଚାକିରିରେ ଅଛନ୍ତି। ବର୍ତମାନ ତିନିଜଣ ପୋଲିସ ସେବା କାର୍ଯ୍ୟ କରୁଛନ୍ତି।
ବେଗୁସରାୟ ର କୃଷକ ପରିବାରରେ ହୋଇଥିଲା ଜନ୍ମ।
ବେଗୁସରାୟ ଜିଲ୍ଲାର ବଖରିର ସାଲୁନା ଗାଁର ତିନିଜଣ ଭଉଣୀ ଏକତ୍ର ଇନ୍ସପେକ୍ଟର ନିଯୁକ୍ତି ପରୀକ୍ଷାରେ ଉତ୍ତୀର୍ଣ୍ଣ ହୋଇଛନ୍ତି। ଗାଁର ଏକ ନିମ୍ନ ଶ୍ରେଣୀର ଚାଷୀଙ୍କ ଘରେ ଜନ୍ମଗ୍ରହଣ କରି ଗ୍ରାମାଞ୍ଚଳର ପରିବେଶରେ ପଢୁଥିଲେ ଏବଂ ଗାଁ ବିଦ୍ୟାଳୟରେ ଶିକ୍ଷା ଗ୍ରହଣ କରିବା ପରେ ଏହି ତିନିଜଣ ଵର୍ତମାନ ନିଜ ପରିବାର ଏବଂ ଗାଁର ନାମକୁ ପ୍ରସିଦ୍ଧ କରିଥିଲେ। ଏହି ତିନି ଭଉଣୀ କୃଷକ ଫୁଲେନା ଦାସଙ୍କ ଝିଅ। ମାତା ଜଣେ ଗୃହିଣୀ ଅଟନ୍ତି। ଫୁଲେନାଙ୍କର ପାଞ୍ଚ ସନ୍ତାନ, ଚାରି ଝିଅ ଏବଂ ଗୋଟିଏ ପୁଅ ଅଛନ୍ତି। ତାଙ୍କର ସମସ୍ତ ପିଲାମାନେ ଗ୍ରାମାଞ୍ଚଳରେ ବଢିଥିଲେ ଏବଂ ଗାଁ ବିଦ୍ୟାଳୟରେ ଶିକ୍ଷିତ ହୋଇଥିଲେ।
ଗାଁରେ ପାଠ ପଢି ସଫଳତା।
ବଡ ଝିଅ ଜ୍ୟୋତି କୁମାରୀ, ଦ୍ୱିତୀୟ ସୋନି କୁମାରୀ ଏବଂ ତୃତୀୟ ମୁନି କୁମାରୀ ଇନ୍ସପେକ୍ଟର ନିଯୁକ୍ତି ପରୀକ୍ଷାରେ ଉତ୍ତୀର୍ଣ୍ଣ ହୋଇଛନ୍ତି। ଏହି ତିନିଜଣଙ୍କର ହାଇସ୍କୁଲ୍ ଶାକରପୁର, ଏମବିଡିଆଇ କଲେଜ ରାମପୁର ବଖରୀରୁ ଇଣ୍ଟର ଏବଂ ୟୁଆର କଲେଜରୁ ସ୍ନାତକ ହାସଲ କରିଥିଲେ। ଜ୍ୟୋତି ଏବଂ ତାଙ୍କ ଦୁଇ ଭଉଣୀ ବର୍ତ୍ତମାନ ବିହାର ପୋଲିସ ସେବାରେ କାର୍ଯ୍ୟ କରୁଛନ୍ତି। ଜ୍ୟୋତି ମୋତିହାରୀ ଏବଂ ମୁନ୍ନି ଜୟନଗରରେ ପୋଷ୍ଟ କରାଯାଇଛି। ଏଥିସହିତ ସୋନି ପୋଲିସ ସେବାରେ ସାରଜେଟ ମେଜରଙ୍କ ପଦରେ ପୋଷ୍ଟ କରାଯାଇଛି।
