ପୂର୍ବ ଆଇପିଏସଙ୍କ ଘରେ ଇନକମ ଟ୍ୟାକ୍ସ ବିଭାଗର ଛାପା, ମିଳିଲା କୋଟି କୋଟି ଟଙ୍କା, ଘରର ବେସମେଣ୍ଟରେ ମିଳିଲା 650 ଲକର |

ଇନକମ ଟ୍ୟାକ୍ସର ବିଭାଗ ନୋଏଡାର ପୂର୍ବ ଆଇପିଏସଙ୍କ ଘରେ ଚଢ଼ାଉ କରି କୋଟି କୋଟି ଟଙ୍କା ଜବତ କରିଛି। ଆଶ୍ଚର୍ଯ୍ୟଜନକ କଥା ହେଉଛି ଆଇପିଏସଙ୍କ ଘରେ ଏକ ବେସମେଣ୍ଟ ମଧ୍ୟ ଥିଲା ଯେଉଁଥିରେ 650 ଲକର ମିଳିଥିଲା । ଇନକମ ଟ୍ୟାକ୍ସ ବିଭାଗ ଦଳ ଏହି ଲକରରେ ବେଆଇନ ଟଙ୍କା ରଖିବା ବିଷୟରେ ସୂଚନା ପାଇଥିଲେ। ଆସନ୍ତୁ ଜାଣିବା ସମଗ୍ର ବିଷୟ।

3 ଦିନ ଧରି ଚାଲିଛି ଚଢ଼ାଉ।

ନୋଏଡାର ୟୁପିର ପୂର୍ବ ଆଇପିଏସ୍ ଅଧିକାରୀ ଆର.ଏନ୍ ସିଂଙ୍କ ଘରେ ଗତ 3 ଦିନ ଧରି ଇନକମ ଟ୍ୟାକ୍ସ ବିଭାଗର ଚଢ଼ାଉ ଜାରି ରହିଛି। ଆୟକର ବିଭାଗ ଏଠାରେ ସର୍ଚ୍ଚ ଅପରେସନରେ କୋଟି କୋଟି ଟଙ୍କା ଉଦ୍ଧାର କରିଛି। ଅବଶ୍ୟ ଟଙ୍କା କାହାର ଅଟେ ତାହା ସ୍ପଷ୍ଟ ହୋଇନାହିଁ? ବାସ୍ତବରେ ଇନକମ ଟ୍ୟାକ୍ସ ବିଭାଗ ଯାଞ୍ଚ କରୁଛି ଯେ ଏହି ଟଙ୍କା ବେଆଇନି କାରବାର ସହିତ ଜଡିତ କି ନୁହେଁ।

ପ୍ରକୃତରେ ପୂର୍ବ ଆଇପିଏସ୍ ଆରଏନ୍ ସିଂଙ୍କ ପୁଅ ତାଙ୍କ ଘରର ବେଶ ମେଣ୍ଟ ରେ ଏକ ପ୍ରାଇଭେଟ ଲକର ଫର୍ମ ଚଳାନ୍ତି। ଏହି ଲକରଗୁଡ଼ିକ ଭଡା ଉପରେ ଦିଆଯାଏ। ଆର ଏନ ସିଂ ୟୁପିରେ ଡିଜି ନିର୍ଦ୍ଦେଶାଳୟ ରହିଆସିଛନ୍ତି। ସେ କହିଛନ୍ତି ଯେ ଏହି ଫାର୍ମ ତାଙ୍କ ପୁଅ ଦ୍ୱାରା ପରିଚାଳିତ। ସେ କମିଶନ ଆଧାରରେ ଭଡ଼ାରେ ଲକର ଦିଅନ୍ତି। ସେଥିରୁ 2 ଟି ଲକର ତାଙ୍କର ମଧ୍ୟ ଅଛି କିନ୍ତୁ ସେଥିରୁ କିଛି ବାହାରି ନାହିଁ।

ଏହି ଚଢ଼ାଉ ସମୟରେ ପୂର୍ବତନ ଆଇପିଏସ୍ ଆର.ଏନ୍ ସିଂ କହିଛନ୍ତି, ‘ମୁଁ ବର୍ତ୍ତମାନ ମୋ ଗାଁରେ ଥିଲି ଏବଂ ସେତିକିବେଳେ ସୂଚନା ପାଇଥିଲି ଯେ ଇନକମ ଟ୍ୟାକ୍ସ ବିଭାଗ ଘରେ ଅନୁସନ୍ଧାନ କରିବାକୁ ଆସିଛି ତେଣୁ ମୁଁ ତୁରନ୍ତ ଏଠାକୁ ଆସିଥିଲି। ମୁଁ ଜଣେ ଆଇପିଏସ୍ ଅଧିକାରୀ ହୋଇସାରିଛି, ମୋ ପୁଅ ଏଠାରେ ରୁହେ ଏବଂ ଆମେ ମଧ୍ୟ ଆସି ଏଠାରେ ରହିଥାଉ, ମୋ ପୁଅ ଏକ ପ୍ରାଇଭେଟ ଲକର ର କାମ କରେ ଯାହା ତଳ ମହଲା ଅର୍ଥାତ ବେସମେଣ୍ଟ ରେ ଅଛି।

ପୂର୍ବତନ ଆଇପିଏସ୍ ଆରଏନ୍ ସିଂ କହିଛନ୍ତି, ‘ମୋ ପୁଅ ଭଡାରେ ଲକର ଦେଇଥାଏ, ଯେପରି ବ୍ୟାଙ୍କ ଦିଅନ୍ତି କିନ୍ତୁ ସେ ବ୍ୟାଙ୍କ ଅପେକ୍ଷା ଅଧିକ ସୁବିଧା ଦିଅନ୍ତି। ଏଥିରେ ଆମର ନିଜର ଦୁଇଟି ଲକର ଅଛି। ଭିତରର ଯାଞ୍ଚ ଚାଲିଛି, ପ୍ରାୟ ସମସ୍ତ ଲକର ଯାଞ୍ଚ କରାଯାଇସାରିଛି।

ଏ ବାବଦରେ ଇନକମ ଟ୍ୟାକ୍ସ ବିଭାଗ ପକ୍ଷରୁ କୌଣସି ବିବୃତ୍ତି ଜାରି କରାଯାଇ ନାହିଁ। ସୂଚନାନୁସାରେ ସର୍ଚ୍ଚ ଅପରେସନ୍ ଜାରି ରହିଛି ଏବଂ ସର୍ଚ୍ଚ ଅପରେସନ୍ ଶେଷ ହେବା ପରେ ଅଧିକାରୀମାନେ ଗଣମାଧ୍ୟମକୁ ସୂଚନା ଦେବେ। ସର୍ଚ୍ଚ ଅପରେସନ୍ ସମୟରେ 2,000 ଏବଂ 500 ଟଙ୍କା ନୋଟଗୁଡିକର ବଣ୍ଡଲ ଉଦ୍ଧାର କରାଯାଇଛି।