ତେବେ ବନ୍ଧୁଗଣ ବର୍ତମାନ ସମୟରେ ଯେଉଁ ଲଜ୍ଜାଜନକ ଖବର ଗୋଟେ ସାମ୍ନାକୁ ଆସିଛି ତାହା ହେଉଛି ଆମ ରାଜଧାନୀ ଭୁବନେଶ୍ବରରେ ପୁଣି ଏକ ଅଭିନବ ଉପାୟରେ ଲୁଟ୍ ହୋଇଛି । ଖୁଚୁରା ମାଗିବା ଆଳରେ ଜଣେ ଦୁର୍ବୃତ୍ତ ରବିବାର ଦିନ ଜଣେ ଭେରାଇଟି ଷ୍ଟୋର୍ ଦୋକାନୀଙ୍କ ଠାରୁ ୨ ହଜାର ଟଙ୍କାର ଚୂନ ମାରିଛି ।
ଏ ସଂପର୍କରେ ସଂପୃକ୍ତ ବ୍ୟବସାୟୀଜଣଙ୍କ ଥାନାରେ ଅଭିଯୋଗ କରିବାରୁ ପୁଲିସ ତଦନ୍ତ ଆରମ୍ଭ କରିଛି । ଆସନ୍ତୁ ଜାଣିବା ଏବେ ସମ୍ପୂର୍ଣ ଖବର । ତେବେ ମିଳିଥିବା ସୂଚନାନୁଯାୟୀ, ଗତ ରବିବାର ପୂର୍ବାହ୍ନ ପ୍ରାୟ ୧୧ଟା ବେଳେ ଖାରବେଳନଗର ଥାନା ଅନ୍ତର୍ଗତ ସତ୍ୟନଗର ୟୁନିଟ୍-୪ ରେ ଥିବା ଏକ ଭେରାଇଟି ଷ୍ଟୋର୍କୁ ଜଣେ ଯୁବକ ଆସି ପ୍ରଥମେ ୧୦ ପ୍ୟାକେଟ କ୍ଷୀର, ୧୦ ପ୍ୟାକେଟ ଦହି ଏବଂ ଅମୁଲ୍ ପ୍ୟାକେଟ ୨ଟା ଆଉ ହର୍ଲିକ୍ସ୍ ପ୍ୟାକେଟ ୨ଟା ଆଉ ଚିନି ୨ କିଲୋ ମାଗିଲେ ।
ଦୋକାନୀ ଜଣକ ଏତିକି ଜିନିଷ ପୁରେଇବା ସମୟରେ ସେ ଉକ୍ତ ଦୋକାନୀ ଜଣକଙ୍କୁ ୨ ହଜାର ଟଙ୍କାର ଖୁଚୁରା ମାଗିଥିଲା । ବ୍ୟବସାୟୀଜଣକ ଖୁଚୁରା ଦେବା ପରେ ଯୁବକଜଣଙ୍କ ପାଖ ମେଡିସିନ୍ ଷ୍ଟୋର୍ରେ ଟଙ୍କା ଭୁଲ୍ରେ ଛାଡ଼ି ଦେଇ ଆସିଥିବା କହିଥିଲା । ଦୋକାନୀ ଜଣକ ମନା କରିବାରୁ ସାଙ୍ଗରେ ପୁଅକୁ ପଠାଇ ଟଙ୍କା ନେଇଯିବାକୁ ବ୍ୟବସାୟୀଙ୍କୁ ଅନୁରୋଧ କରିଥିଲା ।
ସେ ନିଜକୁ ପାଖରେ ଥିବା ଜନୌଷଧି ଘରର ମାଲିକ ବୋଲି ପରିଚୟ ଦେଇଥିଲା । ତା କଥା ରେ ବିଶ୍ୱାସ କରିନେଇ ବ୍ୟବସାୟୀଜଣଙ୍କ ସେଥିରେ ରାଜି ହେବା ସହ ତାଙ୍କ ପୁଅକୁ ଉକ୍ତ ଯୁବକ ସାଥିରେ ଛାଡ଼ିଥିଲେ । ଯୁବକଜଣଙ୍କ ଗାଡ଼ିରେ ବସାଇ କିଛି ବାଟ ଯିବା ପରେ ଡବଲ ହେଲମେଟ୍ ନଥିବାରୁ ଆଗରେ ଟ୍ରାଫିକ୍ ପୁଲିସ ଧରିବ କହି ଦୋକାନୀଙ୍କ ପୁଅକୁ ୟୁନିଟ୍-୪ ଟ୍ରାଫିକ୍ ଛକ ନିକଟରେ ଗାଡ଼ିରୁ ଓହ୍ଲାଇ ଦେଇଥିଲା
ଏପଟେ କିଛି ସମୟ ଅତିବାହିତ ହୋଇଗଲା ପରେ ପୁଅ ନ ଫେରିଥିବା ରୁ ଦୋକାନୀ ଜଣଙ୍କ ପଛରେ ଗୋଡ଼ାଇ ଗୋଡ଼ାଇ ମଧ୍ୟ ଯାଇଥିଲେ । ବ୍ୟବସାୟୀଙ୍କ ପୁଅ ଗାଡ଼ିରୁ ଓହ୍ଲାଇବା ପରେ ଦୁର୍ବୃତ୍ତ ଗାଡ଼ି ନେଇ ଚମ୍ପଟ୍ ମାରିଥିଲା । ପରେ ଘଟଣା ସଂପର୍କରେ ବ୍ୟବସାୟୀଙ୍କ ପୁଅ ଆସି ବାପାଙ୍କୁ ଜଣାଇଥିଲେ ।
ତାପରେ ଦୋକାନୀ ଜଣକ ପୋଲିସ୍ ଷ୍ଟେସନ୍ ଅଭିଯୋଗ କରିବାକୁ ଯାଇଥିବା ବେଳେ ସେଠାରେ ପୋଲିସ୍ ମଧ୍ୟ ପ୍ରଥମେ କଥା ଶୁଣି ନଥିଲେ ଏବଂ ଦୁର୍ବ୍ୟବହାର ପ୍ରଦର୍ଶନ କରିଥିଲେ । କିନ୍ତୁ ପରେ ପୁଲିସ ଦୋକାନୀଙ୍କ ଫୋନ୍ ନମ୍ବର ରଖିଥିଲେ ଏବଂ ଉକ୍ତ ବ୍ୟବସାୟୀ ଜଣକ ମିଡ଼ିଆରେ ସାହାର୍ଯ୍ୟ ନେବା ପରେ ଖବର ପାଇ ଘଟଣାସ୍ଥଳରେ ପୋଲିସ୍ ପହଞ୍ଚି ଛାନଭିନ୍ କରିବା ସହ ସିସି କ୍ୟାମେରା ଆଧାରରେ ତଦନ୍ତ କରୁଛି ।
