ଏହି ୨୨ ବର୍ଷର ଯୁବକ ସେଲଫି ବିକ୍ରି କରି ରୋଜଗାର କଲେ କୋଟି କୋଟି ଟଙ୍କା,ଜାଣନ୍ତୁ କିପରି….

ଜଣେ ଯୁବକ ସେଲଫି ବିକ୍ରି କରି କୋଟିପତି ହୋଇଥିଲେ। ଏହି ଯୁବକ ସେଲଫି ବିକ୍ରି କରି 7 କୋଟିରୁ ଅଧିକ ରୋଜଗାର କରିଛନ୍ତି। ଇଣ୍ଡୋନେସିଆର ଏହି ବ୍ୟକ୍ତିର ସଫଳତାର କାହାଣୀ ସୋସିଆଲ ମିଡିଆ ରେ ଭାଇରାଲ ହେଉଛି। ବର୍ତ୍ତମାନ ଏହି ଯୁବକ କିପରି କୋଟିପତି ହେଲା ଏବଂ ସେ କ’ଣ କଲା ଆସନ୍ତୁ ଜାଣିବା।

ଏହି 22 ବର୍ଷୀୟ ଯୁବକଙ୍କର ନାମ ହେଉଛି ସୁଲତାନ୍ ଗୁସ୍ତାଫ୍ ଅଲ୍ ଗୋଜାଲି, ଯିଏ କମ୍ପ୍ୟୁଟର ସାଇନ୍ସର ଛାତ୍ର ମଧ୍ୟ। ଯେତେବେଳେ ସୁଲତାନ ଗୁସ୍ତାଫ ଅଲ ଗୋଜାଲିଙ୍କୁ 18 ବର୍ଷ ହୋଇଥିଲା ସେ 1000 ସେଲଫି ନେଇଥିଲେ।ଏହା ପରେ ଏହି ଯୁବକ ‘ଗୋଜାଲି ଏବ୍ରୀଡେ’ ନାମରେ ସେଲଫିର ଏକ ଭିଡିଓ ପ୍ରୋଜେକ୍ଟ କରିଥିଲେ। ଏହି ପ୍ରୋଜେକ୍ଟ ତିଆରି କରିବାବେଳେ ସୁଲତାନ ଅନୁଭବ କରିଥିଲେ ଯେ ଲୋକମାନେ ଏହାକୁ ମଜାଳିଆ ମନେ କରିବେ। ଏହା ପରେ NFT ଏହି ଦୁଇଟି ଫଟୋ ଏବଂ ଭିଡିଓ କିଣିନେଇଛି।

NFT ନିଲାମ ସାଇଟ OpenSea ରେ କ୍ରିପ୍ଟୋକରେନ୍ସି ପାଇଁ ସୁଲତାନ ନିଜର ସେଲଫି ବିକ୍ରି କରିଥିଲେ। ସୁଲତାନ ଗୁସ୍ତାଫ ଅଲ ଗୋଜାଲି ତାଙ୍କ ସେଲଫି ବିଷୟରେ କହିଛନ୍ତି ଯେ, ‘ମୁଁ କେବେ ଭାବି ନଥିଲି ଯେ କେହି ମୋ ସେଲଫି କିଣିବେ। ତାପରେ ମୁଁ ଏହାକୁ କେବଳ $ 3 ରେ ମୂଲ୍ୟ ଦେଲି। ଯେତେବେଳେ ଜଣେ ସେଲିବ୍ରିଟି ରୋଷେୟା (SHEF) ଏହି ଫଟୋଗୁଡ଼ିକ କିଣି ପ୍ରମୋଟ୍ କଲେ 400 ରୁ ଅଧିକ ଲୋକ ମୋର ସେଲଫି କିଣିଥିଲେ। ବର୍ତ୍ତମାନ ମୁଁ କୋଟି କୋଟି ଟଙ୍କା ରୋଜଗାର କରିଛି। ସୁଲତାନ ନାମକ ଏହି ଯୁବକ ଏପର୍ଯ୍ୟନ୍ତ ତାଙ୍କ ପରିବାର ସଦସ୍ୟଙ୍କୁ ଏହି ବିଷୟରେ ସୂଚନା ଦେଇନାହାଁନ୍ତି।

NFT ହେଉଛି ଏକ ନନ ଫଁଯିବଲ ଟୋକନ୍ ଯାହା ଏକ ପ୍ରକାର ଡିଜିଟାଲ୍ ସମ୍ପତ୍ତି କିମ୍ବା ଡାଟା ଅଟେ। ଏହା ବ୍ଲକ୍ ଚେନ୍ ଟେକ୍ନୋଲୋଜିରେ ରେକର୍ଡ ହୋଇଥାଏ। ଏହାକୁ କ୍ରିପ୍ଟୋଗ୍ରାଫିକ୍ ଟୋକନ୍ ମଧ୍ୟ କୁହାଯାଏ। କୌଣସି ବ୍ୟକ୍ତି ପାଖରେ ଯଦି NFT ଥାଏ ଏହାର ଅର୍ଥ ହେଉଛି ତାଙ୍କ ପାଖର୍ବ କିଛି ଅଦ୍ୱିତୀୟ କିମ୍ବା ଭିନ୍ନ ଡିଜିଟାଲ୍ ଆର୍ଟ ଅଛି ଯାହା ଦୁନିଆରେ ଅନ୍ୟ କାହା ପାଖରେ ନାହିଁ।