କ’ଣ କରୋନାର ଚତୁର୍ଥ ଲହର ଆସିବ ! ୬ଟି ଦେଶରେ ପହଁଚିଲା ଓମିକ୍ରନର BA.4 ଏବଂ BA.5 ଭାରିଏଣ୍ଟ, ଏହାକୁ ନେଇ WHO ଦେଲା ବଡ ନୂଆ ଚେତାବନୀ !
ଓମିକ୍ରନ୍ ଭାରିଏଣ୍ଟ ର ଦୁଇଟି ନୂତନ ସବ-ଭାରିଏଣ୍ଟ (BA.4 ଏବଂ BA.5) ବର୍ତମାନ ଅନେକ ଦେଶରେ ପହଞ୍ଚି ସାରିଛି। ଏହି ସମୟରେ ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) କହିଛି ଯେ ଏହି ଦୁଇଟି ନୂତନ ଭାରିଏଣ୍ଟ ସଂକ୍ରାମକତା କିମ୍ବା ଗମ୍ଭୀରତା ଦୃଷ୍ଟିରୁ ପୂର୍ବ ଭାରିଏଣ୍ଟ ଠାରୁ ସମ୍ପୂର୍ଣ୍ଣ ଅଲଗା ନୁହେଁ। ତେବେ ଆଗାମୀ ସମୟରେ ଏହା ବଦଳିପାରେ ବୋଲି WHO ଚେତାବନୀ ଦେଇଛି।
WHO ଏହି ସୂଚନାକୁ ଏପରି ଏକ ସମୟରେ ଦେଇଛି ଯେତେବେଳେ ଓମିକ୍ରନ୍ ର BA.2 ଭାରିଏଣ୍ଟ ହେତୁ ଏସିଆ ଏବଂ ୟୁରୋପର ଅନେକ ଦେଶରେ କରୋନା ର ଏକ ନୂଆ ଲହର ଦେଖାଯାଉଛି ।
ଏହି ସପ୍ତାହ ପୂର୍ବରୁ ଦକ୍ଷିଣ ଆଫ୍ରିକାର ଦୁଇଜଣ ବୈଜ୍ଞାନିକ BA.4 ଏବଂ BA.5 ନାମକ ଓମିକ୍ରନ୍ ର ଦୁଇଟି ନୂତନ ଭାରିଏଣ୍ଟର ଆବିଷ୍କାର ବିଷୟରେ ଜଣାଇଥିଲେ।ତେବେ ସେ କହିଛନ୍ତି ଯେ ଏହି ଦୁଇଟି ନୂତନ ଭାରିଏଣ୍ଟ ବର୍ତ୍ତମାନ ଦକ୍ଷିଣ ଆଫ୍ରିକାରେ କରୋନା ଭାଇରସ କ୍ଷେତ୍ରରେ କୌଣସି ଅଧିକ ସଂକ୍ରମଣ ସୃଷ୍ଟି କରି ନାହିଁ। ଏପର୍ଯ୍ୟନ୍ତ ଦକ୍ଷିଣ ଆଫ୍ରିକା, ବେଲଜିୟମ, ଜର୍ମାନୀ, ଡେନମାର୍କ ଏବଂ ବ୍ରିଟେନ ସମେତ 6ଟି ଦେଶରେ ଏହି ଦୁଇଟି ନୂତନ ସବ-ଭାରିଏଣ୍ଟ ଦେଖିବାକୁ ମିଳିଛି।
ଦକ୍ଷିଣ ଆଫ୍ରିକାର ବୈଜ୍ଞାନିକ ତୁଲିଓ ଡି ଓଲିବିରା କହିଛନ୍ତି, “ଦକ୍ଷିଣ ଆଫ୍ରିକାରେ ସଂକ୍ରମଣର ମାତ୍ରା କମ୍, ଡାକ୍ତରଖାନାରେ ଭର୍ତ୍ତି ହେବା ଏବଂ ମୃତ୍ୟୁ ସଂଖ୍ୟାକୁ ଦୃଷ୍ଟିରେ ରଖି ଆମେ ଏହା ବିଷୟରେ ଚିନ୍ତା କରୁନାହୁଁ, କିନ୍ତୁ ଭାଇରସର ବଦଳୁଥିବା ଗୁଣ ବିଷୟରେ ଆମେ ନିଶ୍ଚିତ ଭାବରେ ସଚେତନ। ଟୀକାକରଣ ଏବଂ ଭାଇରସର ପ୍ରଭାବ ହ୍ରାସ କରିବା ପାଇଁ ଲ୍ୟାବରେ ପୂର୍ବରୁ ରିସର୍ଚ୍ଚ ଚାଲିଛି ଏବଂ ଆମେ ଜିନୋମ କ୍ରମର ପ୍ରକ୍ରିୟାକୁ ଦୃଢ କରୁଛୁ। ”
WHO ମଧ୍ୟ ଏହି ନୂତନ ସବ-ଭାରିଏଣ୍ଟ ଉପରେ ନିରନ୍ତର ନଜର ରଖିଛି। WHO ବୈଜ୍ଞାନିକ ମାରିଆ ଭାନ୍ କରଖୋୱ କହିଛନ୍ତି ଯେ ଏପର୍ଯ୍ୟନ୍ତ ଏହାର ପୂର୍ବ ଭାରିଏଣ୍ଟ ତୁଳନାରେ BA.4 ଏବଂ BA.5 ର ସଂକ୍ରମଣ ଏବଂ ଗମ୍ଭୀରତାରେ ଆମେ ଅଧିକ ପାର୍ଥକ୍ୟ ପାଇନାହୁଁ, କିନ୍ତୁ ଏହା ଆଗାମୀ ସମୟରେ ବଦଳିପାରେ।
ଏହାପୂର୍ବରୁ ବୁଧବାର ଅନୁଷ୍ଠିତ ଏକ ବୈଠକରେ WHO ଜରୁରୀକାଳୀନ କମିଟି ସର୍ବସମ୍ମତି କ୍ରମେ କରୋନାଭାଇରସ୍ ଲୋକଙ୍କ ସ୍ୱାସ୍ଥ୍ୟ ପ୍ରତି ଏକ ବଡ଼ ବିପଦ ହୋଇ ରହିଛି।
ତେବେ ବିଶ୍ୱ ସ୍ତରରେ କ୍ରମାଗତ ତୃତୀୟ ସପ୍ତାହ ପାଇଁ କରୋନା ମାମଲାରେ ହ୍ରାସ ଘଟିଛି। କିନ୍ତୁ ଚୀନ୍ ସମେତ କେତେକ ଦେଶରେ କରୋନା ରୋଗ ଦ୍ରୁତ ଗତିରେ ବଢୁଛି। ଯାହା ସେଠାରେ ଥିବା ଡାକ୍ତରଖାନାଗୁଡ଼ିକ ଉପରେ ଚାପ ବଢ଼ାଉଛି। ଏହା ସହିତ WHO ମଧ୍ୟ ଦେଶମାନଙ୍କୁ ନିବେଦନ କରିଛି ଯେ ସେମାନେ କରୋନା ମହାମାରୀ ବିରୁଦ୍ଧରେ ପୁଣି ସଚେତନ ଆରମ୍ଭ କରିବା ଉଚିତ୍।