ବର୍ତ୍ତମାନ ଯେଉଁ ପରିମାଣରେ ପ୍ରତ୍ୟକ ଜିନିଷର ମୂଲ୍ୟ ବୃଦ୍ଧି ପାଉଛି ତାହାକୁ ଦୃଷ୍ଟିରେ ରଖି ସମସ୍ତେ ଏକ ଛୋଟ ପରିବାର ପାଇବାକୁ ଚାହାଁନ୍ତି। ଆଜିର ଯୁଗରେ ମିଳିତ ପରିବାର କ୍ୱଚିତ୍ ଦେଖାଯାଏ। କେତେକ ପରିବାରରେ ପଚାଶ, ଶହେ କିମ୍ବା ଦେଢ ଶହ ଲୋକ ଥାଇପାରନ୍ତି କିନ୍ତୁ ଏହା ଶୁଣିବା ମଧ୍ୟ ବହୁତ କ୍ଵଚିତ। କିନ୍ତୁ ଯଦି ଆମେ ଆପଣଙ୍କୁ କହିବୁ ଯେ ଏହି ଦୁନିଆରେ ଏପରି ଏକ ପରିବାର ଅଛି ଯେଉଁଥିରେ ଦୁଇ ଲକ୍ଷରୁ ଅଧିକ ନୁହେଁ ବରଂ 2 କୋଟିରୁ ଅଧିକ ଲୋକ ଅଛନ୍ତି। ତେବେ ଆପଣ ଏହାକୁ ବିଶ୍ୱାସ କରିପାରିବେ କି?
ପରିବାରରେ ଅଛନ୍ତି 2 କୋଟି 70 ଲକ୍ଷ ଲୋକ।
ଆପଣ ଏହା ଶୁଣି ଆଶ୍ଚର୍ଯ୍ୟ ହେବା ସ୍ୱାଭାବିକ କିନ୍ତୁ ଏହା ସତ୍ୟ। ବାସ୍ତବରେ ନିକଟରେ ବ୍ରିଟେନର ଜଣେ ବୈଜ୍ଞାନିକ ବିଶ୍ୱର ସବୁଠାରୁ ବଡ ପରିବାର ପାଇଛନ୍ତି ବୋଲି ଦାବି କରିଛନ୍ତି। ଏହି ବ୍ୟକ୍ତି ଜଣକ କହିଛନ୍ତି ଯେ ଏହା ହେଉଛି ସର୍ବ ବୃହତ ପରିବାର, ଯେଉଁଥିରେ 27 ନିୟୁତ ଅର୍ଥାତ୍ 2 କୋଟି 70 ଲକ୍ଷ ଲୋକ ଉପସ୍ଥିତ ଅଛନ୍ତି। ଏମାନେ ସମସ୍ତେ ଦୂର ସମ୍ପର୍କୀୟ ଅଟନ୍ତି। ଆସନ୍ତୁ ଜାଣିବା ଏହି ପରିବାରର ସମ୍ପୂର୍ଣ୍ଣ କାହାଣୀ।
ପରିବାର ମାଧ୍ୟମରେ ହେବ ନୂଆ ଆବିଷ୍କାର।
ବ୍ରିଟେନ ଦଳ ଦ୍ୱାରା ନିର୍ମିତ ଏହି ଫ୍ୟାମିଲି ଟ୍ରି ର ମୂଳ ଆଜିଠାରୁ 10 ହଜାର ବର୍ଷ ପୁରୁଣା ରଖାଯାଇଛି। ଏହା ସର୍ବ ପୁରାତନ ଏବଂ ବୃହତ୍ତମ ପରିବାର ବୃକ୍ଷ। ବିଶ୍ୱାସ କରାଯାଉଛି ଯେ ଏହାର ସାହାଯ୍ୟରେ ମଣିଷର ଉତ୍ପତ୍ତି ବିଷୟରେ ବୁଝିବାରେ ବହୁତ ସାହାଯ୍ୟ କରିବ। ଏହି ଫ୍ୟାମିଲି ଟ୍ରି ସାହାଯ୍ୟରେ ଡାକ୍ତରୀ ରହସ୍ୟର ସମାଧାନ ପାଇଁ ଚେଷ୍ଟା କରାଯିବ।
ଏହାର ମୁଖ୍ୟ ଲେଖକ ଡକ୍ଟର ୟାନ ୱଙ୍ଗ କହିଛନ୍ତି ଯେ ଏହି ବିଶାଳ ପାରିବାରିକ ବୃକ୍ଷ ଲୋକଙ୍କୁ ଅନେକ ଉପାୟରେ ସାହାଯ୍ୟ କରିବ। ଏହାର ସାହାଯ୍ୟ ଜେନେଟିକ ପରିବର୍ତ୍ତନକୁ ବୁଝିବାରେ ସାହାଯ୍ୟ କରିବ। ବିଜ୍ଞାନ ପତ୍ରିକାରେ ଏହି ଦଳର ଦାବି ପ୍ରକାଶ ପାଇଛି। ଏହି ଟିମ୍ ଆଠଟି ଡାଟାବେସରେ ଉପସ୍ଥିତ 3,609 ମଣିଷର ଜିନ୍ ଅଧ୍ୟୟନ କରିଥିଲେ। ଏହା ପରେ କମ୍ପ୍ୟୁଟର ଆଲଗୋରିଦମ ମାଧ୍ୟମରେ ସେମାନଙ୍କ ପିତୃପୁରୁଷମାନେ ଦୁନିଆରେ କେଉଁଠାରେ ରହୁଥିଲେ ତାହା ଜଣାଗଲା। ଏହା ପରେ ବୈଜ୍ଞାନିକ ଦଳ 27 ନିୟୁତ ଲୋକଙ୍କ ପରିବାରକୁ ଗୋଟେ ପରିବାର କଲେ।
DNA ଉପରେ ଆଧାରିତ ଟ୍ରି।
ଡକ୍ଟର ୟାନ୍ ଅକ୍ସଫୋର୍ଡ ୟୁନିଭରସିଟି ସହିତ ଏହି ଅନୁସନ୍ଧାନ ସମାପ୍ତ କରିଥିଲେ। ଏହି ପାରିବାରିକ ବୃକ୍ଷରେ ଦୂର ସମ୍ପର୍କୀୟମାନେ ଗୋଟିଏ ପରେ ଗୋଟିଏ ଯୋଡି ହୋଇଯାଇଛନ୍ତି। ସେମାନେ କୈଣସି ପ୍ରକାରେ ରକ୍ତ ସଂପର୍କରେ ପରସ୍ପର ସହିତ ସମ୍ବନ୍ଧିତ ଥିଲେ। ଅନେକ ବର୍ଷରୁ ଜମା ହୋଇଥିବା ଡିଏନ୍ଏ ସାହାଯ୍ୟରେ ଏହି ପରିବାର ସୃଷ୍ଟି ହୋଇଛି। ଏଥିରେ ଅନେକ କୋଟି ଲୋକଙ୍କ ନମୁନା ପରୀକ୍ଷା କରିବା ପରେ ଏହି ଟ୍ରି ତିଆରି କରାଯାଇଛି। ଏହି ଗଛ ସାହାଯ୍ୟରେ ଅନେକ ରହସ୍ୟ ସମାଧାନ ହେବ।
