ମହିଳା ଛୁଟି ନେବା ପାଇଁ କଲେ ଗର୍ଭବତୀ ହେବାର ନାଟକ, ଏପରି ହେଲା ଖୁଲାସା, ଚାଲିଗଲା 75 ଲକ୍ଷ ଦରମା ଵାଲା ଚାକିରୀ
ଅଳ୍ପ କିଛି ଅନୁଷ୍ଠାନକୁ ଛାଡିଦେଲେ ଅଧିକାଂଶ ଘରୋଇ ଅନୁଷ୍ଠାନ ଚାକିରିରେ ଛୁଟି ପାଇବା ସବୁଠାରୁ କଷ୍ଟକର କାର୍ଯ୍ୟ। କର୍ମଚାରୀମାନଙ୍କୁ ଗୋଟିଏ କିମ୍ବା ଦୁଇ ଦିନ ଛୁଟି ମଧ୍ୟ ବହୁତ କଷ୍ଟରେ ମିଳେ। ଏଭଳି ପରିସ୍ଥିତିରେ ଏକ ଦୀର୍ଘଦିନ ଛୁଟି ନେବାପାଇଁ ଚିନ୍ତା କରିବା ଅପରାଧ କରିବା ସଦୃଶ।
ଛୁଟିଦିନ ପାଇଁ ଏହି ସବୁ ଅସୁବିଧାକୁ ଏଡାଇବା ପାଇଁ ଜଣେ ମହିଳା ଅଫିସରୁ ଛୁଟି ନେବାକୁ ଏକ ନିଆରା ଯୋଜନା କରିଥିଲେ। ସେ ଗର୍ଭବତୀ ହେବାର ଛଳନା କରି ଛୁଟି ନେଇ ଘରେ ବସିଥିଲେ। କିନ୍ତୁ କିଛି ମାସ ପରେ ତାଙ୍କ ଏହି ଯୋଜନାର ଖୁଲାସା ହେଲା ଏବଂ ତାଙ୍କୁ ବାର୍ଷିକ 75 ଲକ୍ଷ ପ୍ୟାକେଜ୍ ସହିତ ଚାକିରୀ ହରାଇବାକୁ ପଡିଲା। ଏହାର ଖୁଲାସା କିପରି ହେଲା ଆସନ୍ତୁ ଜାଣିବା।
ମହିଳା ଜଣକ ପେଟ ରେ ଲଗେଇଥିଲେ ନକଲି ବେବି ପାଉଚ।
ଏହି 43 ବର୍ଷୀୟା ମହିଳା ଏକ ନକଲି ବେବି ପାଉଚ ପିନ୍ଧି ଗର୍ଭବତୀ ହେବାର ନାଟକ ସୃଷ୍ଟି କରିଥିଲେ ଏବଂ ଅଫିସରୁ ଛୁଟି ନେଇଥିଲେ। ମହିଳା ରବିନ୍ ଫାଲସମ୍ ଭାବିଥିଲେ ଯେ ତାଙ୍କର ବାହାନା କାମ କରିବ, କିନ୍ତୁ ହଠାତ୍ ଜଣେ ସହକର୍ମୀ ଦେଖିଲେ ଯେ ଫାଲସମ ର ନକଲି ବେବି ପାଉଚ ତାଙ୍କ ଶରୀରଠାରୁ କିଛି ଦୂରରେ ଖସିପଡିଛି ଯାହାପରେ ଫାଲସମ ଙ୍କ ମିଥ୍ୟା ପ୍ରକାଶ ପାଇଲା।
ଅନୁସନ୍ଧାନରୁ ଜଣାପଡିଛି ଯେ ଫାଲସମ ନିଜକୁ ଗର୍ଭବତୀ ଦେଖାଇବା ପାଇଁ ଏକ ନକଲି ବେବି ପାଉଚ ପିନ୍ଧିଥିଲେ। କିନ୍ତୁ ତାପରେ ଫାଲସମ ଅନ୍ୟ ଏକ ବାହାନା ତିଆରି କଲେ ଯାହା ବିଷୟରେ ଆମେ ଆପଣଙ୍କୁ ଆଗକୁ କହିବାକୁ ଯାଉଛୁ।
ମହିଳା ଜଣକ ପଠାଇଲେ ଶିଶୁର ଫଟୋ।
ଯେତେବେଳେ ଏହି ଯୋଜନାର ଖୁଲାସା ହେଲା ଫାଲସମ ତାଙ୍କ ସହକର୍ମୀଙ୍କୁ ଶିଶୁର ଫଟୋ ପଠାଇଲେ, କିନ୍ତୁ ସହକର୍ମୀମାନଙ୍କୁ ପଠାଯାଇଥିବା ଶିଶୁର ଫଟୋ ସବୁ ଏକସମାନ ନଥିଲା ଯାହାଫଳରେ ଫାଲସମଙ୍କ ଉପରେ ଥିବା ସନ୍ଦେହ ଆହୁରି ବଢିଗଲା।
ଫାଲସମ ତାଙ୍କ ନିଯୁକ୍ତିଦାତାଙ୍କୁ କହିଥିଲେ ଯେ ସେ ଅଗଷ୍ଟ 2021 ରେ ପୁନର୍ବାର ଗର୍ଭବତୀ ହେବା ପୂର୍ବରୁ ଜୁଲାଇ 2020 ରେ ଥରେ ପ୍ରଥମ ସନ୍ତାନକୁ ଜନ୍ମ ଦେଇଥିଲେ କିନ୍ତୁ ଅନୁସନ୍ଧାନକାରୀମାନେ ଶିଶୁଟିର ଜନ୍ମ ହେବାର କୌଣସି ରେକର୍ଡ ପାଇଲେ ନାହିଁ।
ମହିଳାଙ୍କୁ ଛାଡିବାକୁ ପଡିଲା ଚାକିରି।
ମାମଲା ଉନ୍ମୋଚନ ହେବା ପରେ ଜର୍ଜିଆ ବ୍ୟାବସାୟିକ ପୁନର୍ବାସ ଏଜେନ୍ସିରେ ଫାଲସମଙ୍କୁ ଇସ୍ତଫା ଦେବାକୁ ପଡିଲା। ତାଙ୍କ ଭୁଲ ପାଇଁ ଏଜେନ୍ସି ତାଙ୍କୁ କ୍ଷମା କରିନଥିଲା ଏବଂ ତାଙ୍କୁ ଦ୍ୱିତୀୟ ସୁଯୋଗ ଦେଇନଥିଲା। ଏହି ପୋଷ୍ଟରେ ଥିବାବେଳେ ଫାଲସମ ବାର୍ଷିକ ପ୍ରାୟ 75 ଲକ୍ଷ ଟଙ୍କା ରୋଜଗାର କରୁଥିଲେ।