ଯେପରି କର୍କଟ ଏକ ସାଂଘାତିକ ରୋଗ, ସେହିପରି ବ୍ରେନ ଟ୍ୟୁମର ମଧ୍ୟ ଜୀବନ ପ୍ରତି ଅତ୍ୟନ୍ତ ବିପଦ ପୂର୍ଣ୍ଣ ଅଟେ। ଯଦି ଏହି ରୋଗ ଠିକ୍ ସମୟରେ ଚିକିତ୍ସା କରାଯାଏ ତେବେ ଜୀବନ ରକ୍ଷା ହୋଇପାରିବ। ବ୍ରେନ ଟ୍ୟୁମର ଉଭୟ ଶାରୀରିକ ଏବଂ ମାନସିକ ଲକ୍ଷଣ ସୃଷ୍ଟି କରିପାରେ। ଟ୍ୟୁମରର ପ୍ରକାର, ସ୍ଥାନ ଏବଂ ଅବସ୍ଥାକୁ ନିର୍ଭର କରି ଲକ୍ଷଣ ମଧ୍ୟ ଭିନ୍ନ ହୋଇପାରେ।
ବ୍ରେନ ଟ୍ୟୁମରର ପ୍ରାରମ୍ଭିକ ଲକ୍ଷଣକୁ ଚିହ୍ନିବା କ୍ଷଣେ ହିଁ ଚିକିତ୍ସା ଆରମ୍ଭ ହେବା ଉଚିତ୍ । ବେଳେବେଳେ ବ୍ରେନ ଟ୍ୟୁମର ଥିବା ଲୋକମାନଙ୍କର କୌଣସି ଲକ୍ଷଣ ଏବଂ ସଂକେତ ନଥାଏ। ବ୍ରେନ ଟ୍ୟୁମରର ଲକ୍ଷଣ ସାଧାରଣ କିମ୍ବା ସାମାନ୍ୟ ହୋଇପାରେ। ଏକ ସାଧାରଣ ଲକ୍ଷଣ ମସ୍ତିଷ୍କ କିମ୍ବା ମେରୁଦଣ୍ଡ ଉପରେ ଟ୍ୟୁମରର ଚାପ ଯୋଗୁଁ ହୁଏ। ବିଶିଷ୍ଟ ଲକ୍ଷଣ ସେତେବେଳେ ଦେଖାଯାଏ ଯେତେବେଳେ ଟ୍ୟୁମର ହେତୁ ମସ୍ତିଷ୍କର ଏକ ଅଂଶ ସଠିକ୍ ଭାବରେ କାମ କରେନାହିଁ।
ମସ୍ତିଷ୍କ ଟ୍ୟୁମରର ଚିହ୍ନଗୁଡିକ ଚିହ୍ନିବା ଅତ୍ୟନ୍ତ ଜରୁରୀ, ଯାହା ଦ୍ୱାରା ଏହି ରୋଗ ଶୀଘ୍ର ନିୟନ୍ତ୍ରଣ ହୋଇପାରିବ। ଆଜି ଆମେ ଆପଣଙ୍କୁ ମସ୍ତିଷ୍କ ଟ୍ୟୁମରର ଲକ୍ଷଣ ଏବଂ ସଂକେତ ବିଷୟରେ କହିବାକୁ ଯାଉଛୁ।
ମସ୍ତିଷ୍କ ଟ୍ୟୁମରର କେତେକ ସାଧାରଣ ଲକ୍ଷଣ ଅନ୍ତର୍ଭୁକ୍ତ-
-ମୁଣ୍ଡବିନ୍ଧା ସମସ୍ୟା ଲାଗିରହିବା।
-ବ୍ୟକ୍ତିତ୍ୱର ପରିବର୍ତ୍ତନ।
-ଦୃଷ୍ଟି ଶକ୍ତି ସମସ୍ୟା।
– ଭୁଲା ଦୋଷ।
-ମନୋବଳ ପରିବର୍ତ୍ତନ।
-ସନ୍ତୁଳନ ହରାଇବା।
-ବାନ୍ତି।
-ଥକାପଣ।
-ଚିନ୍ତା କିମ୍ବା ଉଦାସୀନତା।
– ଏକାଗ୍ରତା କରିବାରେ ଅସୁବିଧା।
– କଥା କହିବାରେ ସମସ୍ୟା
– ଭ୍ରମିତ କିମ୍ବା ବିଚଳିତ ଅନୁଭବ କରିବା।
-ସମନ୍ୱୟ ହରାଇବା।
-ମାଂସପେଶୀ ଦୁର୍ବଳତା।
-ଶରୀରର ଗୋଟିଏ ପାର୍ଶ୍ୱରେ ଦରଜ ରହିବା କିମ୍ବା ବିନ୍ଧା ହେବା।
ମସ୍ତିଷ୍କ ଟ୍ୟୁମରର ପ୍ରକାର ଏବଂ ସେମାନଙ୍କର ଲକ୍ଷଣ।:-
ମେନିଙ୍ଗିୟୋମା।
ପ୍ରାଥମିକ ବ୍ରେନ ଟ୍ୟୁମରର ପ୍ରାୟ ଏକ ତୃତୀୟାଂଶ ହେଉଛି ମେନିଙ୍ଗିୟୋମା। ଏଗୁଡିକ ସାଧାରଣତଃ ଧୀରେ ଧୀରେ ବଢେ। ମସ୍ତିଷ୍କ ଏବଂ ମେରୁଦଣ୍ଡକୁ ଆଚ୍ଛାଦନ କରୁଥିବା ଟିସୁରୁ ଏହା ବଢେ ଏବଂ ଏହି କ୍ଷେତ୍ରରେ ଚାପ ପ୍ରୟୋଗ କରେ। ମେନିଙ୍ଗିୟୋମା ପିଲାମାନଙ୍କଠାରେ ବିରଳ ଏବଂ 60 ବର୍ଷରୁ ଅଧିକ ବୟସ୍କ ମହିଳାମାନଙ୍କଠାରେ ଏହା ଅଧିକ ଦେଖାଯାଏ। ଯଦି ଆମେ ଏହି ଲକ୍ଷଣ ବିଷୟରେ ଆଲୋଚନା କରିବା, ତେବେ ମେନିଙ୍ଗିୟୋମା ର ଲକ୍ଷଣ ମଧ୍ୟରେ ମୁଣ୍ଡବିନ୍ଧା ଲାଗିରହିବା, ହାତ କିମ୍ବା ଗୋଡରେ ଦୁର୍ବଳତା, ବ୍ୟକ୍ତିତ୍ୱର ପରିବର୍ତ୍ତନ, ଦୃଷ୍ଟି ସମସ୍ୟା ଅନ୍ତର୍ଭୁକ୍ତ ହୋଇପାରେ।
ଗ୍ଲୋୟୋବ୍ଲାଷ୍ଟୋମା।
ଗ୍ଲୋୟୋବ୍ଲାଷ୍ଟୋମା ଏକ ଅତ୍ୟନ୍ତ କ୍ଷତିକାରକ ଟ୍ୟୁମର, ଯାହା ଅତି ଶୀଘ୍ର ବଢେ। ଏହି କାରଣରୁ ଏଥିପାଇଁ ଅତି ଶୀଘ୍ର ଚିକିତ୍ସା ଆବଶ୍ୟକ। ଆମେରିକୀୟ ବ୍ରେନ୍ ଟ୍ୟୁମର ଆସୋସିଏସନ ଅନୁଯାୟୀ ପ୍ରଥମ ଶ୍ରେଣୀ ଟ୍ୟୁମରଗୁଡିକ ସର୍ବନିମ୍ନ କ୍ଷତିକାରକ। କିନ୍ତୁ ପ୍ରକୃତ ଘାତକ ହେଉଛି ଗ୍ରେଡ୍ 4 ଗ୍ଲୋୟୋବ୍ଲାଷ୍ଟୋମା। ଏହା ମସ୍ତିଷ୍କ ଉପରେ ଚାପ ପକାଇଥାଏ। ଏହାର ଲକ୍ଷଣ ମଧ୍ୟରେ ବାନ୍ତି ଏବଂ ମୁଣ୍ଡବିନ୍ଧା ଏପିସୋଡ୍ ଅନ୍ତର୍ଭୁକ୍ତ ହୋଇପାରେ ଯାହା ସକାଳେ ଅଧିକ ତୀବ୍ର ହୋଇପାରେ, ଶରୀରରେ ଦୁର୍ବଳତା ଯେପରିକି ହାତ, ଗୋଡ କିମ୍ବା ମୁହଁ, ଶରୀରକୁସନ୍ତୁଳନ କରିବାରେ ଅସୁବିଧା, ସ୍ମୃତିଶକ୍ତି ସମସ୍ୟା।
ଏସଟ୍ରସାଇଟୋମାସ।
ଏସଟ୍ରସାଇଟୋମାସ ବ୍ରେନ ଟ୍ୟୁମରଟି ଏସଟ୍ରସାଇଟୋମାସ ନାମକ କୋଷରୁ ବଢିଥାଏ। ଏହାର 4 ପ୍ରକାର ଗ୍ରେଡ୍ ରେ ଅନ୍ତର୍ଭୁକ୍ତ। ପ୍ରାରମ୍ଭିକ ଶ୍ରେଣୀର ଟ୍ୟୁମର୍ ଟି ଗ୍ରେଡ୍ 4 ଟ୍ୟୁମର୍ ଅପେକ୍ଷା ଧୀରେ ଧୀରେ ବଢେ। ଏସଟ୍ରସାଇଟୋମାସ କେତେକ ପ୍ରାରମ୍ଭିକ ଲକ୍ଷଣ ମଧ୍ୟରେ ମୁଣ୍ଡବିନ୍ଧା ଲାଗିରହିବା, ଭୁଲିଯିବା, ବ୍ୟବହାରରେ ପରିବର୍ତ୍ତନ ଅନ୍ତର୍ଭୁକ୍ତ ହୋଇପାରେ।
କ୍ରାନିଓଫେରିଇଂଜିଓମା।
କ୍ରାନିଓଫେରିଇଂଜିଓମା ପିଟୁଇଟାରି ଗ୍ରନ୍ଥି ନିକଟରେ ବିକଶିତ ହୁଏ। ବୟସ୍କମାନଙ୍କ ଅପେକ୍ଷା ପିଲାମାନଙ୍କଠାରେ ଏହା ଅଧିକ ଦେଖାଯାଏ। ଏହି ପ୍ରକାର ଟ୍ୟୁମର ପିଟୁଇଟାରି ଗ୍ରନ୍ଥି ଏବଂ ଅପ୍ଟିକ୍ ପଥ ଉପରେ ଚାପ ପକାଇଥାଏ। ମେଡୁଲୋବ୍ଲାଷ୍ଟୋମା ଏବଂ ଏପେଣ୍ଡିମୋମା ମଧ୍ୟ ପିଲାମାନଙ୍କଠାରେ ଅଧିକ ଦେଖାଯାଏ। ଏହାର ପ୍ରାରମ୍ଭିକ ଲକ୍ଷଣଗୁଡ଼ିକ ଉଚ୍ଚତା ନବଢିବା, ମୋଟାପଣ, ଦୃଷ୍ଟିଶକ୍ତି ସମସ୍ୟା, ହରମୋନ୍ ସମସ୍ୟା ହୋଇପାରେ।
ମେଟାଷ୍ଟାଟିକ୍ ଟ୍ୟୁମର୍।
ମେଟାଷ୍ଟାଟିକ୍ ମସ୍ତିଷ୍କ ଟ୍ୟୁମର ବା ସେକେଣ୍ଡାରୀ ବ୍ରେନ ଟ୍ୟୁମର ଶରୀରର ଅନ୍ୟ ଅଙ୍ଗରେ ସୃଷ୍ଟି ହୁଏ। ଯେଉଁଠାରେ କ୍ୟାନସର ଅବସ୍ଥିତ ଥାଏ ଏବଂ ରକ୍ତ ପ୍ରବାହ ଦେଇ ମସ୍ତିଷ୍କକୁ ଗତି କରେ। ସବୁଠାରୁ ସାଧାରଣ ଲକ୍ଷଣ ହେଉଛି ମୁଣ୍ଡବିନ୍ଧାର ଲାଗିରହିବା, ସ୍ମୃତି ଶକ୍ତି ହ୍ରାସ, ବ୍ୟକ୍ତିତ୍ୱ କିମ୍ବା ବ୍ୟବହାରରେ ପରିବର୍ତ୍ତନ, ଶରୀରର ଗୋଟିଏ ପାର୍ଶ୍ୱରେ ଦୁର୍ବଳତା, ସନ୍ତୁଳନରେ ଅସୁବିଧା।
ପିଟୁଇଟାରି ଟ୍ୟୁମର୍।
ପିଟୁଇଟାରି ଗ୍ରନ୍ଥିରେ ପିଟୁଇଟାରି ଟ୍ୟୁମର୍ ବିକଶିତ ହୁଏ ଏବଂ ହରମୋନ୍ ସ୍ତରକୁ ପ୍ରଭାବିତ କରେ। ଏହି ଟ୍ୟୁମର ପିଟୁିଟାରୀ ହରମୋନ୍ ସିକ୍ରେଟ୍ କରି ଅତିରିକ୍ତ ଲକ୍ଷଣ ସୃଷ୍ଟି କରିପାରେ। ଏହା ମହିଳାମାନଙ୍କଠାରେ ଅଧିକ ଦେଖାଯାଏ ଏବଂ ସମସ୍ତ ପ୍ରାଥମିକ ମସ୍ତିଷ୍କ ଟ୍ୟୁମରଗୁଡିକର 9-12% ଗଠନ କରନ୍ତି। ଏହା ଧୀରେ ଧୀରେ ବଢେ। ତଥାପି ଏହା ମସ୍ତିଷ୍କର ଚାରିପାଖରେ ଚାପ ପକାଇପାରେ। ପିଟୁଇଟାରି ଟ୍ୟୁମରର ଲକ୍ଷଣ ମଧ୍ୟରେ ମୁଣ୍ଡବିନ୍ଧା ଲାଗିରହିବା, ଦୃଷ୍ଟି ଶକ୍ତି ସମସ୍ୟା, ଆଚରଣରେ ପରିବର୍ତ୍ତନ, ହରମୋନ୍ ସ୍ତରର ପରିବର୍ତ୍ତନ ଅନ୍ତର୍ଭୁକ୍ତ।
