ଟ୍ରେନରେ ନିଜ ଛେଳି ସହ ଯାତ୍ରା କରୁଥିଲେ ମହିଳା । ହଠାତ୍ ପହଞ୍ଚିଗଲେ ଟିଟିଇ, ଆଉ ତା’ପରେ… ।
ଗରିବ ହେଲେ ବି ଛେଳିର ଟିକେଟ କରି ଟ୍ରେନରେ ଗଲେ ମହିଳା । ଆମ ଦେଶରେ ଟ୍ରେନରେ ଯାତ୍ରା କରିବା ହେଉଛି ସବୁଠାରୁ ସହଜ ଓ ସରଳ ମାଧ୍ୟମ । ଯାତ୍ରା ସମୟରେ ଲୋକମାନେ ଟ୍ରେନରେ ବିଭିନ୍ନ ସାମଗ୍ରୀ ସହିତ ପଶୁ ପକ୍ଷୀଙ୍କୁ ବି ନିଜ ସହ ନେଇ ଯାଇଥାନ୍ତି । କିନ୍ତୁ ଏଠାରେ ଜଣେ ମହିଳା ଟ୍ରେନରେ ଯାତ୍ରା କରିବା ବେଳେ ଏପରି କିଛି କାର୍ଯ୍ୟ କରିଛନ୍ତି ଯାହା ଅନ୍ୟମାନଙ୍କ ଲାଗି ଏକ ଉଦାହରଣ ସୃଷ୍ଟି କରିଛି । ଏହି ଘଟଣାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ୍ ହେବାରେ ଲାଗିଛି । ହଁ ଆଜ୍ଞା ଟ୍ରେନରେ ଯାତ୍ରା କରିବା ସମୟରେ ଟିକେଟ କରିଯିବାକୁ ପଡିଥାଏ । ଏହା ତ ସମସ୍ତଙ୍କୁ ଜଣା ଅଛି ।
ହେଲେ ଟ୍ରେନର ନିୟମ ଜାଣି ମଧ୍ୟ କିଛି ଲୋକ ନିୟମକୁ ଉଲଂଘନ କରି ଟ୍ରେନରେ ଯିବା ସମୟରେ ଟିକେଟ କରିନଥାନ୍ତି । ଫଳରେ ଟିଟିଇଙ୍କ ହାବୁଡରେ ପଡି ଜୋରିମାନା ମଧ୍ୟ ସେମାନଙ୍କୁ ଦେବାକୁ ପଡିଥାଏ । ହେଲେ ଏଭଳି କିଛି ଦୃଶ୍ୟ ସାମ୍ନାକୁ ଆସିଛି ପଶ୍ଚିମବଙ୍ଗରୁ । ଯେଉଁଥିରେ ଜଣେ ମହିଳା ନିଜ ଛେଳିକୁ ନେଇ ଟ୍ରେନରେ ଯାତ୍ରା କରୁଥିଲେ । ହେଲେ ସବୁଠାରୁ ବଡ ଆଶ୍ଚର୍ଯ୍ୟର କଥା ହେଉଛି । ଟ୍ରେନରେ ଛେଳିକୁ ନେଇ ଯିବା ସମୟରେ ମହିଳା ଜଣଙ୍କ ନିଜ ପାଇଁ ଟିକେଟ କରିବା ସହ ନିଜ ଛେଳିର ଟିକେଟ ମଧ୍ୟ କାଟିଥିଲେ
ଯେତେବେଳେ ଟିଟିଇ ମହିଳା ଜଣଙ୍କୁ ନିଜର ଟିକେଟ ଦେଖେଇବା ପାଇଁ କହିଥିଲେ । ସେତେବଳେ ସେ ନିଜର ଟିକେଟ ଦେଖେଇବା ସହ ନିଜ ଛେଳିର ଟିକେଟ ମଧ୍ୟ ଟିଟିଇ ଜଣଙ୍କୁ ଦେଖାଇଥିଲେ । ଭିଡିଓରେ ଦେଖିବାକୁ ମିଳୁଛି ଏକ ଟ୍ରେନର ଜେନେରାଲ୍ କୋଚ୍ରେ ଜଣେ ମହିଳା ନିଜ ଛେଳି ଓ ଅନ୍ୟ ଜଣେ ବ୍ୟକ୍ତିଙ୍କ ସହ ଛିଡା ହୋଇ ଯାତ୍ରା କରୁଛନ୍ତି । ଛେଳିଟିକୁ ମହିଳା ଜଣକ ନିଜ ହାତରେ ଧରିଛନ୍ତି । କିଛି ସମୟ ପରେ ଟିଟିଇ ଯାତ୍ରୀଙ୍କର ଟିକେଟ ଚେକ୍ କରିବାକୁ ପହଞ୍ଚୁଛନ୍ତି । ଏହି ସମୟରେ ତାଙ୍କ ନଜର ସେହି ମହିଳା ଓ ତାଙ୍କ ଛେଳି ଉପରେ ପଡୁଛି । ସେ ମହିଳାଙ୍କୁ ତାଙ୍କ ଟିକେଟ ଦେଖାଇବାକୁ କହୁଛନ୍ତି ।
ମହିଳା ଜଣକ ନିଜର, ନିଜ ସହଯାତ୍ରୀଙ୍କର ଓ ଛେଳି ପାଇଁ କରିଥିବା ଟିକେଟ ଟିଟିଇଙ୍କୁ ଦେଖାଉଛନ୍ତି । ତେବେ ମହିଳା ଜଣଙ୍କ ଗରିବ ହେଲେ କଣ ହେଲା । ତାଙ୍କ କଥାବାର୍ତ୍ତାରୁ ତାଙ୍କ ମଧ୍ୟରେ ଥିବା ନମ୍ରତା ଓ ସଚ୍ଚୋଟ ପଣିଆ ଝଲସି ଦେଖା ଯାଉଥିଲା । ବୃଦ୍ଧ ମହିଳା ଜଣଙ୍କ ନିଜ ଛେଳି ପାଇଁ ଟିକେଟ କରିକି ତାକୁ ଟ୍ରେନରେ ନେଇ ଯାତ୍ରା କରୁଥିବାରୁ ଏପରି କାର୍ଯ୍ୟ ଦେଖି ଟିଟିଇ ମଧ୍ୟ ତାଯୁବ ହୋଇ ଯାଇଥିଲେ । ଏଭଳି ଏକ କାର୍ଯ୍ୟରୁ ସେହି ମହିଳାଙ୍କର ସଚ୍ଚୋଟତା ପୁରା ସ୍ପଷ୍ଠ ଭାବେ ଦେଖାଯାଉଥିଲା ।