ଯଦିଓ ଏହି ପୃଥିବୀରେ ଅନେକ ଧନୀ ଲୋକ ଅଛନ୍ତି, କିନ୍ତୁ ବ୍ରୁନେଇ ଦେଶର ସୁଲତାନଙ୍କ କଥା ସମସ୍ତଙ୍କ ଠାରୁ କିଛି ଅଲଗା । ସେ ଯେଉଁଭଳି ଭାବେ ଜୀବନ ଅତିବାହିତ କରୁଛନ୍ତି, ତାହା ଲୋକଙ୍କୁ ଆଶ୍ଚର୍ଯ୍ୟ କରୁଛି । ଲୋକଙ୍କ ପାଖରେ ଗୋଟେ କି ଦୁଇଟି ବିଳାସପୂର୍ଣ୍ଣ ଗାଡ଼ି ଥିବା ବେଳେ ତାଙ୍କ ପାଖରେ ରହିିଛି ୭୦୦୦ଟି ବିଳାସପୂର୍ଣ୍ଣ ଗାଡ଼ି ।
ଆଜ୍ଞା ହଁ, ଏହି କଥାଟି ଆପଣଙ୍କୁ ଆଶ୍ଚର୍ଯ୍ୟ ଲାଗୁଥିବ ନିଶ୍ଚୟ, କିନ୍ତୁ ଏହା ସତ । ଏଠାରେ ଆମେ ବ୍ରୁନେଇର ସୁଲତାନ ହସନଲ ବୋଲକିୟାଙ୍କ କଥା କହୁଛୁ । ସେ ଦୁନିଆର ସବୁଠାରୁ ଧନୀ ସୁଲତାନମାନଙ୍କ ମଧ୍ୟରେ ଜଣେ । ହସନଲ ବୋଲକିୟାଙ୍କ ସମ୍ପତ୍ତି ୧୪,୭୦୦ କୋଟିରୁ ଅଧିକ ବୋଲି ଜଣାପଡ଼ିିଛି । ଏକ ରିପୋର୍ଟ ଅନୁଯାୟୀ, ତାଙ୍କ ଆୟର ସବୁଠାରୁ ବଡ଼ ଉତ୍ସ ହେଉଛି ତୈଳ ଭଣ୍ଡାର ଏବଂ ପ୍ରାକୃତିକ ଗ୍ୟାସ ।
ବ୍ରୁନେଇର ଏହି ସୁଲତାନଙ୍କ କାହାଣୀ ଅତ୍ୟନ୍ତ ଅନନ୍ୟ । ତାଙ୍କ ପାଖରେ ଏବେ ୬୦୦ ରୋଲ୍ସ ରୋଏସ୍, ୩୦୦ ଫରାରୀ ଗାଡି ସହିତ ୭୦୦୦ ବିଳାସପୂର୍ଣ୍ଣ କାର ଅଛି । ଏହା ସହ ସେ ରହୁଥିବା ମହଲରେ ସୁନା ଖଚିତ ହୋଇଛି । ଏହି ମହଲର ମୂଲ୍ୟ ୨୫୫୦କୋଟିରୁ ଅଧିକ ହୋଇଥିବା ବେଳେ ଆସନ୍ତୁ ଜାଣିବା ଏହା ମଧ୍ୟରେ କଣ କଣ ଅଛି ।
ତେବେ ଏହି ମହଲରେ ୧୭୦୦ରୁ ଅଧିକ କୋଠରୀ, ୨୫୭ଟି ଗାଧୁଆ ଘର, ପାଞ୍ଚଟି ସୁଇମିଂ ପୁଲ, ଗାଡି ରଖିବା ପାଇଁ ୧୧୦ଟି ଗ୍ୟାରେଜ ବ୍ୟତୀତ ୨୦୦ ଘୋଡା ପାଇଁ ଶୀତତାପ ନିୟନ୍ତ୍ରିତ ଷ୍ଟଲ ମଧ୍ୟ ଅଛି । ତାଙ୍କ ଗାଡ଼ି କଥା ଯଦି କୁହାଯିବ ଏହି କାରଗୁଡିକର ମୂଲ୍ୟର ଅନ୍ଦାଜ୍ କରାଗଲେ କୁହାଯିବ ଯେ ଦୁନିଆର ଅନେକ ଗରିବ ଦେଶକୁ କିଣା ଯାଇପାରିବ ।
ହସନଲ ତାଙ୍କ ଗ୍ୟାରେଜରେ ଅଧିକରୁ ଅଧିକ ମୂଲ୍ୟର ଦୁଇ ହଜାର କାର ରହିଛି । ଆଜିକାଲି ଏଭଳି ଜୀବନ ବଞ୍ଚୁଥିବା ଲୋକଙ୍କ ସଂଖ୍ୟା କମ ଥିବା ବେଳେ ସୁଲତାନଙ୍କ ଏଭଳି ଜୀବନ ବଞ୍ଚିବା ଶୈଳୀ ଅନେକଙ୍କୁ ଆଶ୍ଚର୍ଯ୍ୟ କରିଛି । ଦୁନିଆରେ ଏଭଳି ବି ଲୋକ ଅଛନ୍ତି ଯିଏ ରୋଜଗାରରେ କମାଇଥିବା ଟଙ୍କାରେ ବହୁତ କିଛି କିଣିଥାନ୍ତି । ହେଲେ କିଛି କିଛି ଏମିତି ଧନୀ ଥାନ୍ତି ଯିଏ ତାଙ୍କ ଜୀବନଶୈଳୀ ସହ ସେମାନଙ୍କ ସୈଉକ୍ ପୁରା କରିବା ପାଇଁ ଏଭଳି କିଣା କିଣି କରନ୍ତି ଯେ ସୀମା ବାହାରକୁ ଟପି ଯାଆନ୍ତି ।