ଆମେ ଜିତି ସାରିଲୁଣି, ଖାଲି କେତେ ଭୋଟରେ ଜିତିବୁ ସେଇଟା ଜାଣିବା ବାକି ଅଛି : ମନ୍ମଥ ରାଉତରାୟ ।

ବନ୍ଧୁଗଣ ସାଧାରଣ ନିର୍ବାଚନ ପାଖେଇ ଆସୁଥିବା ବେଳେ ଓଡ଼ିଶା ରାଜ୍ୟ ରାଜନୀତି ବେଶ୍ ସରଗରମ ହୋଇ ପଡ଼ିଛି । ପ୍ରଚାର ପାଇଁ ମଇଦାନକୁ ଓହ୍ଲାଇଛନ୍ତି ବିଭିନ୍ନ ଦଳୀୟ ନେତା । ଏହି କ୍ରମରେ ଜଟଣୀ ବିଧାୟକ ତଥା ବରିଷ୍ଠ କଂଗ୍ରେସ ନେତା ସୁରେଶ କୁମାର ରାଉତରାୟଙ୍କ ସାନ ପୁଅ ମନ୍ମଥ ରାଉତରାୟ ମଧ୍ୟ ନିର୍ବାଚନ ପାଇଁ ପ୍ରଚାର ଆରମ୍ଭ କରି ଦେଇଛନ୍ତି । ଏଠାରେ କହି ରଖିବୁ ଯେ କିଛିଦିନ ତଳେ ବିଜେଡି ତାଙ୍କ ସାନଭାଇ ମନ୍ମଥଙ୍କୁ ଭୁବନେଶ୍ୱର ଲୋକସଭା ଆସନରୁ ପ୍ରାର୍ଥୀ ଘୋଷଣା କରିଥିଲା।

ଆଉ ବଡ଼ ପୁଅ ସିଦ୍ଧାର୍ଥ ରାଉତରାୟ ଜଟଣୀରୁ କଂଗ୍ରେସ୍ ଦଳରୁ ଲଢ଼ୁଛନ୍ତି । ଗୋଟିଏ ଘରୁ ଦୁଇ ପୁଅ ଅଲଗା ଅଲଗା ଦଳ ସପକ୍ଷରେ ରହିଛନ୍ତି । ଯାହାଦ୍ଵାରା କଂଗ୍ରେସର ବରିଷ୍ଠ ନେତା ତଥା ଜଟଣୀ ବିଧାୟକ ସୁରେଶ ରାଉତରାୟଙ୍କ ଘର ରାଜନୀତି ଦିନକୁ ଦିନ ନୂଆ ମୋଡ ନେବାରେ ଲାଗିଛି । ତେବେ ଇତି ମଧ୍ୟରେ ପ୍ରଚାର ସମୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିକାଶ ଧାରାକୁ ଆଗକୁ ନେବା ପାଇଁ ଯୁବ ନେତୃତ୍ୱକୁ ଗୁରୁତ୍ୱ ଦେଇଛନ୍ତି । ଲୋକଙ୍କ ଭଲ ପାଇବା, ସମର୍ଥନ ଓ ବିକାଶ ଧାରା ବିପୁଳ ବିଜୟ ଦେବ ବୋଲି କହିଛନ୍ତି ।

ନିକଟରେ ଏକ ସାକ୍ଷାତକାର ଦେଇ ଗଣମାଧ୍ୟମ ସାମ୍ନାରେ ମନ୍ମଥ ରାଉତରାୟ ଆହୁରି ମଧ୍ୟ କହିଛନ୍ତି ଯେ ଶୁଭାରମ୍ଭ ସେ ଶ୍ରୀ ଲିଙ୍ଗରାଜ ତଥା ପ୍ରଭୁ ଶ୍ରୀ ଜଗନ୍ନାଥଙ୍କ ଆଶୀର୍ବାଦ ନେଇ ଆରମ୍ଭ କରିଛନ୍ତି । ୩/୪ ଦିନ ହେଲାଣି ସେ ଲୋକ ସମ୍ପର୍କ ବଢ଼ାଉଛନ୍ତି । ସେ ଲୋକଙ୍କ ପ୍ରତିକ୍ରିୟା ଜାଣିବାକୁ ଚାହୁଁଥିଲେ ଯେ କେତେ ଲୋକ ତାଙ୍କ ଭଳି ବ୍ୟକ୍ତିଙ୍କୁ ଗ୍ରହଣ କରୁଛନ୍ତି ବୋଲି । କିନ୍ତୁ ବଦଳରେ ତାଙ୍କୁ ବହୁତ୍ ପ୍ରୋତ୍ସାହନ ମିଳୁଛି ଆଉ ତାଙ୍କୁ ଲୋକ ଗ୍ରହଣ ମଧ୍ୟ କରୁଛନ୍ତି । ଯେଉଁ ଆଶିର୍ବାଦ ତାଙ୍କୁ ନବୀନ ପଟ୍ଟନାୟକ ଦେଇଛନ୍ତି ତାକୁ ଭି ବହୁତ୍ ମାତ୍ରାରେ ଗ୍ରହଣ କରିଛନ୍ତି ଯେଉଁଥି ପାଇଁ ସେ ବହୁତ୍ ଖୁସି ଅଛନ୍ତି ।

ଆଉ ଲୋକଙ୍କ ଭଲ ପାଇବା ପାଇକି ତାଙ୍କ ମନୋବଳ ଆହୁରି ମଧ୍ୟ ବଢ଼ିଯାଇଛି । ମୂଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ପାଣ୍ଡିଆନ ସାର୍ ଙ୍କ ୨୦୩୪କୁ ନେଇ ଯେଉଁ ଭିଜନ ଅଛି ତାକୁ ତା ଆଗରୁ ପୂରା କରି ପାରିବେ ବୋଲି ଆଶା । ଶେଷରେ ମନ୍ମଥ କହିଥିଲେ ଯେ ହାରିବାର ପ୍ରଶ୍ନଟା ହଟେଇ ଦିଅନ୍ତୁ । ସେ ଜିତି ସାରିଲେଣି, ଖାଲି କେତେ ଭୋଟରେ ଜିତିବୁ ସେଇଟା ଜାଣିବା ବାକି ଅଛି ।