ସହିପାରିଲେନି ଆଲବମ ଅଭିନେତ୍ରୀ ରମ୍ୟଞ୍ଜଳୀ..ଶେଷରେ ପାଦରୁ ଚପଲ କାଢି ଗଡାଇଥିଲେ। ଏବେ ଥାନାରେ…।

ଜଣା ପଡିଲା ଅଭିନେତ୍ରୀଙ୍କ ଚପଲ ମାଡର କାରଣ। ରାସ୍ତା ଉପରେ ଝଗଡା କରିଥିଲେ ୨ପରିବାର। ଅଭିନେତ୍ରୀଙ୍କ ଭଉଣୀଙ୍କୁ କରୁଥିଲେ ବ୍ଲାକମେଲ। ସହିପାରିଲେନି ଅଭିନେତ୍ରୀ ଆଉ ପାଦରୁ କାଢ଼ିଲେ ଚପଲ।

ଅଭିନେତ୍ରୀଙ୍କ ଭଉଣୀଙ୍କୁ ବାରମ୍ବାର କରାଯାଉଥିଲା ବ୍ଲାକମେଲ। ଯୁଆଡେ ଯାଉଥିଲେ ସିଆଡେ ଯାଇ ଗାଳି ଗୁଲଜ କରୁଥିଲେ ଆଉ ବ୍ଲାକମେଲ କରୁଥିଲେ। ଆଉ ଗତ କାଲି ସନ୍ଧ୍ୟାରେ ଏ ଘଟଣା ଯେତେବେଳେ ଚରମ ସୀମାରେ ପହଞ୍ଚିଥିଲା ତାପରେ ଦେଖିବାକୁ ମିଳିଥିଲା ଏଭଳି ମହାଭାରତ।

ପୂର୍ବତନ ସରପଞ୍ଚଙ୍କ ପରିବାର ଓ ଏପଟେ ଅଭିନେତ୍ରୀ ରମ୍ୟଞ୍ଜଳୀଙ୍କ ପରିବାର ରାସ୍ତା ଉପରେ ଟଣା ଓଟରା ହୋଇଥିଲେ। ଆଉ ତା’ପରେ ଦେଖିବାକୁ ମିଳିଛି କେମିତି ଅଭିନେତ୍ରୀ ରମ୍ୟଞ୍ଜଳୀ ପାଦରୁ ଚପଲ କାଢି ପିଟିଛନ୍ତି। ଯାହାକି ସୋସିଆଲ ମିଡିଆରେ ଭାଇରାଲ ହେଉଛି। ଏବଂ ସହିପାରିନଥିଲେ ଅଭିନେତ୍ରୀ ରମ୍ୟଞ୍ଜଳୀ ନିଜ ସାନ ଭଉଣୀର ଦୁଃଖକୁ। ଆଖି ଆଗରେ ଅଭିନେତ୍ରୀଙ୍କ ମା’ଙ୍କୁ ମରା ଯାଉଥିଲା। ଯେଉଁଥିରେ ଅଭିନେତ୍ରୀଙ୍କ ମା’ ପଡିଯିବାର ଦୃଶ୍ୟ ମଧ୍ୟ ସାମ୍ନାକୁ ଆସିଛି। ଠିକ ଏହାରି ପରେ ଏଇ ଓଡ଼ିଆ ଆଲବମ ଅଭିନେତ୍ରୀ ଜଣକ ପାଦରୁ ଚପଲ କାଢି ମାରିବାକୁ ଗଡାଇଥିଲେ।

ହଁ ଆଜ୍ଞା ପ୍ରେମ ବ୍ୟାପାରକୁ ନେଇ ୨ ପରିବାରଙ୍କ ମଧ୍ୟରେ ଏଭଳି ମାରପିଟ ଘଟଣା ସାମ୍ନାକୁ ଆସିଛି। ଏଭଳି ଘଟଣା ଦେଖିବାକୁ ମିଳିଥିଲା ଭୁବନ ଥାନା ଅନ୍ତର୍ଗତ ମୃଦଙ୍ଗା ପଞ୍ଚାୟତରେ। ମୃଦଙ୍ଗା ପଞ୍ଚାୟତର ପୂର୍ବତନ ସରପଞ୍ଚ ବିଜୟ ଆଏଜ ଏବଂ ସେହି ପଞ୍ଚାୟତର ଆଲବମ ଅଭିନେତ୍ରୀ ରୋମାଞ୍ଜଳିଙ୍କ ପରିବାର ମଧ୍ୟରେ ମାର ପିଟ ହୋଇଥିଲା। ଗତ କାଲି ସନ୍ଧ୍ୟାରେ ମେଣ୍ଟାସୋୟ ଛକ ନିକଟରେ ଚା ଦୋକାନରେ ଉଭୟ ପରିବାର ମଧ୍ୟରେ ଗଣ୍ଡଗୋଳ ହୋଇଥିଲା। ଯେଉଁ ଫୋଟ ଭାଇରାଲ ହେଉଛି ସେ ଫୋଟରେ ଆଲବମ ଅଭିନେତ୍ରୀ ରୋମାଞ୍ଜଳିଙ୍କ ଭଉଣୀଙ୍କ ପୂର୍ବତନ ପ୍ରେମିକର ବାପାଙ୍କୁ ଚପଲରେ ପିଟିବାକୁ ଗୋଡାଉଥିବାର ଦୃଶ୍ୟ ଦେଖିବାକୁ ମିଳିଛି। ଆଉ ଯେଉଁଥିରେ ଅଭିନେତ୍ରୀଙ୍କ ମା’ଙ୍କୁ ମଧ୍ୟ ଠେଲା ପେଲା କରୁଥିବାର ଦୃଶ୍ୟ ମଧ୍ୟ ଦେଖୁବାକୁ ମିଳିଛି।

ତେବେ ଯାହା ଜଣା ପଡ଼ିଛି ଉଭୟ ପକ୍ଷ ଭୁବନ ଥାନାର ଦ୍ୱାରସ୍ତ ହୋଇଥିଲେ। ଏବେ ଉଭୟ ପକ୍ଷଙ୍କ ଅଭିଯୋଗକୁ ରୁଜୁ କରି ଭୁବନ ପୋଲିସ ତଦନ୍ତ ଜାରି ରଖିଛି।