ନିଜର ଉଜ୍ଜ୍ୱଳ ଭବିଷ୍ୟତ ପାଇଁ ଦିନ ରାତି ଏକ କରି ପାଠ ପଢ଼େ ଆଉ ସାଙ୍ଗ ମାନଙ୍କ ସହ ଖୁବ୍ ଖୁସି ବାସୀ ହୋଇ ହଷ୍ଟେଲରେ ରହି ପାଠ ପଢ଼େ I ସବୁ ଠିକ ଚାଲିଥିଲା ହେଲେ ହଠାତ କଣ ହେଲା କେଜାଣି ଗତକାଲି ମାଆକୁ ଫୋନ କରି ସବୁ କହିଥିଲା ଝିଅ ହେଲେ ଏବେ ଆଉ ଫୋନ ଉଠାଉନି ଝିଅ ଏବେ ଝିଅକୁ ମନେ ପକାଇ ଝୁରି ହେଉଛି ମାଆ I ଆଜ୍ଞା ହଁ ବନ୍ଧୁଗଣ ହଷ୍ଟେଲ ଭିତରୁ ମିଳିଲା ଛାତ୍ରୀଙ୍କ ମୃତ ଦେହ ଉଦ୍ଧାର । ପରିବାର ଲୋକ ଆଣିଲେ ହତ୍ୟା ଅଭିଯୋଗ ।
ସୂଚନାନୁଯାୟୀ ତାଳଚେର୍ ର ଗୋପାଳ ପ୍ରସାଦ ଅଞ୍ଚଳରେ ଏଭଳି ଅଭାବନୀୟ ଘଟଣା ଦେଖିବାକୁ ମିଳିଥିବା ବେଳେ ଟାଉନ ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି I ତେବେ ଅନୁଗୋଳ ଜିଲ୍ଲାରେ ଥିବା କ୍ରିଏଟିଭ ଟେକ୍ନୋ କଲେଜର ହଷ୍ଟେଲରୁ ଜଣେ ଛାତ୍ରୀଙ୍କ ମୃତ ଦେହ ଉଦ୍ଧାର ହୋଇଛି । ମୃତ ଛାତ୍ରୀ ଜଣକ ରାଇଝରଣ ଅଞ୍ଚଳର ସନ୍ତୋଷ ସାହୁଙ୍କ ଝିଅ ଜସ୍ମିନ ସାହୁ ବୋଲି ଜଣାପଡିଛି । ସେ କ୍ରିଏଟିଭ ଟେକ୍ନୋ କଲେଜରେ ବିସିଏର ଦ୍ଵିତୀୟ ବର୍ଷର ଛାତ୍ରୀ ଥିଲେ ।
ଛାତ୍ରୀଙ୍କ ସହ ଜବରଦସ୍ତି ଏକ ରୁମ୍ ରେ ରହିବା ନେଇ ରାତିରେ ଛାତ୍ରୀ ଜଣକ ତାଙ୍କ ପରିବାର ଲୋକଙ୍କୁ ଜଣାଇଥିଲେ । ହେଲେ ଗତ ରାତିରେ କଥା ହୋଇଥିବା ବେଳେ ତା’ପରଦିନ ସକାଳେ କଲେଜ କତୃପକ୍ଷ ଜସ୍ମିନଙ୍କ ବାପାଙ୍କୁ ଫୋନ କରି କହିଲେ କି ତମ ଝିଅ ରୁମ୍ ର କବାଟ ଖୋଲୁ ନାହିଁ କି ଯେତେ ଡାକିଲେ ଶୁଣୁ ନାହିଁ । ଯାହା ଫଳରେ ଜସ୍ମିନଙ୍କ ପରିବାର ଲୋକ ହଷ୍ଟେଲକୁ ଆସିଥିଲେ । ପରେ ପରିବାର ଲୋକ ଆସିବା ପରେ ପୋଲିସକୁ ଖବର ଦିଆଯାଇଥିଲା ।
ପୋଲିସ ଏବଂ ପରିବାର ଲୋକ ଉପସ୍ଥିତିରେ କଲେଜ କତୃପକ୍ଷ କବାଟକୁ ଭାଙ୍ଗି ଥିଲେ । କବାଟ ଭାଙ୍ଗିବା ପରେ ଜସ୍ମିନର ମୃତ ଦେହ ଉଦ୍ଧାର କରାଯାଇଥିଲା । ଏହା ପରେ ପୋଲିସ ଜସ୍ମିନର ମୃତ ଦେହକୁ ଜବତ କରିବା ସହ ସାଇଣ୍ଟିଫିକ୍ ଟିମ୍ ପହଁଚି ତଦନ୍ତ ଆରମ୍ଭ କରିଛି । ଜସ୍ମିନଙ୍କ ପରିବାର ପକ୍ଷରୁ ଅନୁଗୋଳ ଥାନାରେ ଅଭିଯୋଗ ହୋଇଛି କି ତାଙ୍କ ଝିଅ ଜୀବନ ହାରିନାହିଁ ତାକୁ ହତ୍ୟା କରାଯାଇଛି । ଏନେଇ ପୋଲିସ ମାମଲା ରୁଜୁ କରି ଅଧିକ ତଦନ୍ତ ଆରମ୍ଭ କରିଛି।