“ଏବେ ଆସିଲା ବେଳେ ୪ଜଣ ମହିଳାଙ୍କୁ ଦେଖିଲି ଖାଇବା ବିକୁଛନ୍ତି କାଇଁ ତାଙ୍କୁ ତ ଟ୍ରୋଲ୍ କରୁନ” : ନେହା ।

ଦର୍ଶକବନ୍ଧୁ ବର୍ତ୍ତମାନ ସମୟରେ ରାଜଧାନୀ ଭୁବନେଶ୍ୱରରେ ଗୋଟିଏ କଥାକୁ ନେଇ ଖୁବ୍ ଚର୍ଚ୍ଚା କରା ଯାଉଛି । ତାହା ହେଉଚି ଖାଦ୍ୟ ବିକ୍ରି ହେଉଥିବା କାର୍-ଖାନା । ଏଠାରେ ଭୁବନେଶ୍ୱର ବାସୀଙ୍କ ସନ୍ଧ୍ୟା ହେବା ପରେ ବେଶ୍ ଭିଡ ଦେଖିବାକୁ ମିଳେ । ଖୁବ ସୁନ୍ଦର ଭାବେ ସେଠାରେ ଖାଦ୍ୟ ମିଳେ । ଲୋକମାନେ ତାଙ୍କ ଖାଦ୍ୟକୁ ଖୁବ୍ ପସନ୍ଦ କରୁଛନ୍ତି ମଧ୍ୟ । ତେଣୁ ଘରର ଦୁଇ ବୋହୂ ଅର୍ଥାତ୍ ଦୁଇ ଜଣ ଯା’ ମିଶି ଗୋଟିଏ କାର୍ ରେ ଖାଦ୍ୟ ଆଣି ଲୋକଙ୍କୁ ଖୁଆଉଛନ୍ତି ।

ହେଲେ ହଠାତ୍ କିଛିଦିନ ତଳେ ରାଜଧାନୀ ଭୁବନେଶ୍ୱର ଆଇଜି ପାର୍କ ନିକଟରେ ‘କାର ଖାନା ନାଁରେ ଏହି ଦୁଇ ମହିଳା ନିଜର ଖାଇବା ବିକ୍ରି କରୁଥିବା ବେଳେ ବିଏମସି ହଠାତ୍ ସେଠାରେ ପହଞ୍ଚି ଫାଇନ୍ କାଟିଥିଲା । ଏବଂ ସେମାନେ ତାଙ୍କ ଦୋକାନ କୁ ବନ୍ଦ କରି ଦେଇଥିଲେ । ଆଜି ଆମେ ସେହି ବିଷୟରେ ଆପଣ ମାନଙ୍କୁ କହିବାକୁ ଯାଉଛୁ । ୨ଜଣ ଯା କଠିନ ପରିଶ୍ରମ କରି କାର-ଖାନା ନାମରେ ଖୋଲିଥିଲେ । ସବୁ ସମୟରେ ଲୋକଙ୍କ ଭିଡ ପ୍ରାୟ ଦେଖିବାକୁ ମିଳେ ।ହେଲେ କିଛି ଅସାମାଜିକ ବ୍ୟକ୍ତିମାନେ ଏହାକୁ ସହି ପାରିଲେ ନାହିଁ । ସେମାନେ କହିଥିଲେ କି ଏହି ଦୁଇ ମହିଳା ନିଜ ରୂପ ଦେଖାଇ ଖାଦ୍ୟ ବିକ୍ରି କରୁଛନ୍ତି ।

ଏପରିକି କାର-ଖାନା ମାଲିକାଣୀ ନେହାଙ୍କ କ୍ୟାରେକ୍ଟରକୁ ନେଇ ମଧ୍ୟ ଲୋକେ ଆଙ୍ଗୁଳି ଉଠାଇଥିଲେ ଟ୍ରୋଲ କରିଥିଲେ । ଆଉ ଏହି କଥାକୁ ନେଇ ଏବେ ସୋସିଆଲ ମିଡିଆରେ ଅନେକ କଥା କୁହା ଯାଉଛି । ଏଥିରେ ଦୁଇ ମହିଳା ଖୁବ୍ ରାଗି ଯାଇଥିଲେ । ଏହାପରେ ସେ ମହିଳା ଥାନାରେ ପହଞ୍ଚିଥିଲେ । ସେଠାରେ ତାଙ୍କ ସହିତ କଥାବାର୍ତା ସମୟରେ ମହିଳା ଦୁଇଜଣ କହିଛନ୍ତି ଆଗକୁ କୌଣସି ମହିଳାଙ୍କ ସହିତ ଏପରି ନ ହଉ । ସେମାନେ ଆହୁରି ମଧ୍ୟ କହିଛନ୍ତି କି ଯେଉଁ ମହିଳା ମାନଙ୍କ ସହିତ ଏପରି କରାଯାଉଛି, ସେମାନେ ଚୁପ୍ ହୋଇ ବସନ୍ତୁ ନାହିଁ ।

ଆମ ଆଇନ ରହିଛି ସେମାନଙ୍କୁ ଦଣ୍ଡ ଦେବା ପାଇଁ । ମହିଳାଙ୍କୁ ଯଦି ସମ୍ମାନ ଦେଇ ପାରିବେ ନାହିଁ ତେବେ ଖରାପ ମଧ୍ୟ କୁହନ୍ତୁ ନାହିଁ ।ଆମକୁ କିଛି ଲୋକ ସମର୍ଥନ କରୁଛନ୍ତି । ସେହି ସମର୍ଥନକୁ ଆମେ ଭଲ ଭାବି ଆଗକୁ ବଢ଼ିଛୁ ।ଆମେ ଆମ ସମ୍ମାନ ପାଇଁ ଲଢ଼ିବୁ ଆଉ ଆମେ ପୁଣିଥରେ ଆମ କାର-ଖାନା ତିଆରି କରିବୁ ବୋଲି କହିଛନ୍ତି ଏହି ଦୁଇ ମହିଳା ।