ଅଯୋଧ୍ୟା ରାମ ମନ୍ଦିର ପ୍ରାଣ ପ୍ରତିଷ୍ଠା ପୂଜାର ପ୍ରସାଦ ଘରେ ବସି ମାଗଣାରେ ପାଆନ୍ତୁ, ଜାଣନ୍ତୁ କେମିତି କରିବେ ଅଡ଼ର୍ର।

ଘରେ ବସି ପାଆନ୍ତୁ ରାମ ମନ୍ଦିର’ର ପ୍ରସାଦ। ପୁରା ମାଗଣାରେ ମିଳିବ ପ୍ରଭୁ ରାମଙ୍କ ପ୍ରସାଦ। ଅତି ସହଜରେ ଅଡ଼ର୍ର କରନ୍ତୁ। ରାମଲଲାଙ୍କ ପ୍ରାଣ ପ୍ରତିଷ୍ଠା ପୂଜାର ଭୋଗ ପାଆନ୍ତୁ।ହଁ ବନ୍ଧୁଗଣ ଏବେ ପୁରା ଦେଶବାସୀଙ୍କର ନଜର ରହିଛି ଅଯୋଧ୍ୟାରେ ଅନୁଷ୍ଠିତ ହେବାକୁ ଯାଉଥିବା ରାମ ମନ୍ଦିର ପ୍ରାଣ ପ୍ରତିଷ୍ଠା ସମାରୋହ ଉପରେ। ଦୀର୍ଘ ବର୍ଷର ଅପେକ୍ଷାର ଅନ୍ତ ଘଟିଛି। ଆଉ ଶେଷରେ ଅଯୋଧ୍ୟାର ପବିତ୍ର ମାଟିରେ ପ୍ରଭୁ ଶ୍ରୀରାମଙ୍କ ଜନ୍ମ ଭୂମିରେ ରାମଲଲାଙ୍କ ଭବ୍ୟ ମନ୍ଦିର ନିର୍ମାଣ ହେଉଛି। ଆସନ୍ତା ଜାନୁୟାରୀ ୨୨ ତାରିଖରେ ରାମ ମନ୍ଦିରର ପ୍ରାଣ ପ୍ରତିଷ୍ଠା ଉତ୍ସବ ଅନୁଷ୍ଠିତ ହେବାକୁ ଯାଉଛି। ଆଉ ଏହି ପବିତ୍ର ମୁହୂର୍ତ୍ତର ସାକ୍ଷୀ ହେବା ପାଇଁ ଅନେକ ସଂଖ୍ୟାର ଲୋକ ଅଯୋଧ୍ୟା ଯାଉଛନ୍ତି। ଏବଂ ଆହୁରି ଅନେକ ଶ୍ରଦ୍ଧାଳୁ ଯିବା ପାଇଁ ପ୍ରସ୍ତୁତି ହେଉଛନ୍ତି।

କିନ୍ତୁ ଅନେକ ରାମ ଭକ୍ତ ଅଯୋଧ୍ୟା ଯିବା ପାଇଁ ଅସମର୍ଥ। ତେଣୁ ସେମାନଙ୍କ ପାଇଁ ଆସିଛି ଖୁସି ଖବର। ଯଦି ସେମାନେ ରାମଲଲାଙ୍କ ପ୍ରାଣ ପ୍ରତିଷ୍ଠା ପୂଜାର ପ୍ରସାଦ ପାଇବାକୁ ଚାହୁଁଛନ୍ତି ତାହେଲେ ଅଯୋଧ୍ୟା ଯିବାର ଆବଶ୍ୟକତା ନାହିଁ। ନିଜ ଘରେ ବସି ଆପଣ ମାନେ ପ୍ରଭୁ ଶ୍ରୀରାମଙ୍କ ଏହି ପୂଜାର ପ୍ରସାଦ ସମ୍ପୂର୍ଣ୍ଣ ମାଗଣାରେ ପାଇ ପାରିବେ। ନିଜ ଠିକଣାରେ ହିଁ ଆପଣଙ୍କ ପାଖରେ ରାମଲଲାଙ୍କ ପ୍ରଥମ ଭୋଗ ବା ପ୍ରସାଦ ମଗାଇ ପାରିବେ।

ତେବେ ଏଥିପାଇଁ ଆପଣଙ୍କୁ ଅନଲାଇନରେ ଆଡ଼ଭାନ୍ସ ବୁକିଂ କରିବାକୁ ପଡିବ। ଆଉ ବୁକିଂ କରିବାର ଗୋଟିଏ ସପ୍ତାହ ମଧ୍ୟରେ ଆପଣଙ୍କ ଘରେ ପ୍ରସାଦ ପିହଞ୍ଚାଇ ଦିଆଯିବ। ତେବେ ଏହି ବୁକିଂ ଆପଣ ମାନେ କେମିତି କରିପାରିବେ ଆସନ୍ତୁ ସେ ବିଷୟରେ ସବିଶେଷ ଜାଣିନେବା।ରାମ ମନ୍ଦିର ପ୍ରାଣ ପ୍ରତିଷ୍ଠା ପୂଜାର ପ୍ରସାଦକୁ ଲୋକଙ୍କୁ ଘରେ ବସି ପାଇବାର ସୁଯୋଗ ଦେବା ପାଇଁ ଖୋଦି ଅର୍ଗାନିକ ନାମକ ଏକ ୱେବସାଇଟ ସାମ୍ନାକୁ ଆସିଛି।

ଏହି ସାଇଟ ଦାବି କରିଛି ଯେ ରାମ ମନ୍ଦିର ପୂଜାର ପ୍ରସାଦ ଏହା ଆପଣଙ୍କ ଘରେ ପହଞ୍ଚାଇ ଦେବ। ଖଦି ଅର୍ଗାନିକ ହେଉଛି ଏକ ପ୍ରାଇଭେଟ କମ୍ପାନୀ। ଯାହାର କର୍ମଚାରୀ ପ୍ରସାସ ନେଇ ରାମ ମନ୍ଦିରକୁ ଯିବେ। ସେଠାରେ ଏହାକୁ ଭୋଗ ଲଗାଇବେ। ଏହା ପରେ ଏହି ଭୋଗକୁ ଲୋକଙ୍କ ଘରକୁ ପଠାଯିବ।

ଯଦି ବିଶ୍ୱାସନୀୟତାର କଥା ଉଠୁଛି ତେବେ ଖୋଦି ଅର୍ଗାନିକ ହେଉଛି DrillMaps India private limited ର ଏକ ଶାଖା। ଏହି କମ୍ପାନୀ ଭାରତରେ ପ୍ରସ୍ତୁତି ଅର୍ଗାନିକ ସାମଗ୍ରୀକୁ ଆମେରିକା ଓ କାନାଡ଼ାରେ ବିକ୍ରୟ କରେ। ଯିଏ ଏବେ ଫେସବୁକର ପେରେଣ୍ଟ କମ୍ପାନୀ ମେଣ୍ଟର ସପ୍ଟୱାର ଡେବଲପର ମଧ୍ୟ ରହିଛି। ଆଶିଷ ସିଂ ନାମକ ଜଣେ ବ୍ୟକ୍ତି ଏହି କମ୍ପାନୀର ପ୍ରତିଷ୍ଠାତା।ତେବେ ରାମ ମନ୍ଦିରର ପ୍ରାଣ ପ୍ରତିଷ୍ଠା ପୂଜାର ପ୍ରସାଦ ପାଇବା ପାଇଁ ହେଲେ ଅନଲାଇନ ବୁକିଂ ପାଇଁ ଆପଣଙ୍କୁ ପ୍ରଥମେ Khadiorganic.com ୱେବସାଇଟକୁ ଯିବାକୁ ପଡ଼ିବ। ଏଥିରେ ଆପଣଙ୍କୁ ସବା ଉପରେ FREE PRASAD ଲେଖାଥିବା ଦେଖିବାକୁ ପଡିବ। ଏହା ଉପରେ କ୍ଲିକ କଲେ ଆପଣଙ୍କୁ ନିଜ ମୋବାଇଲ ନମ୍ବର ଠିକଣା ଭରିବାକୁ ପଡିବ।

ତେବେ ଆପଣଙ୍କ ଘର ଠିକଣାରେ ଏହି ପ୍ରସାଦ ପାଇବା ପାଇଁ ଆପଣଙ୍କୁ ୫୧ ଟଙ୍କା ଡେଲିଭରି ଚାର୍ଜ ଦେବାକୁ ପଡିବ।କିନ୍ତୁ ଯଦି ଆପଣ ଏହି ଡେଲିଭରି ଚାର୍ଜ ବି ୫୧ ଟଙ୍କା ଖର୍ଚ୍ଚ କରିବାକୁ ଚାହୁଁନାହାନ୍ତି ତେବେ ଆପଣ ନିଜ ସହରର free disinhibition centre ଉପରେ କ୍ଲିକ କରନ୍ତୁ। ଏହା ଦ୍ବାରା ଆପଣ ଜାଣିପାରିବେ ଯେ ଆପଣଙ୍କ ସହରରେ କେଉଁଠି ମାଗଣାରେ ରାମଲଲାଙ୍କ ପ୍ରସାଦ ବଣ୍ଟନ କରାଯିବ। ତେବେ ଆପଣଙ୍କୁ ସେଠାକୁ ନିଜେ ଯାଇ ପ୍ରସାଦ ଗ୍ରହଣ କରିବାକୁ ପଡିବ।