କଣ ଆପଣ ଜାଣିଛନ୍ତି କି ? ଅଯୋଧ୍ୟାରେ ଶ୍ରୀରାମଙ୍କର କାହିଁକି ସ୍ଥାପନ କରାଗଲା ୫ ବର୍ଷର ବାଳକ ମୂର୍ତ୍ତି ।

ଅଯୋଧ୍ୟାରେ କାହିଁକି ସ୍ଥାପନ କରାଗଲା ରାମଲାଲାଙ୍କ ବାଳକ ମୂର୍ତ୍ତି? ରାମ ଲାଲାଙ୍କ ମୂର୍ତ୍ତିକୁ ୫ ବର୍ଷର ସ୍ବରୂପ କାହିଁକି ଦିଆଯାଇଛି । ଏହା ପଛରେ ଥିବା ତାତ୍ପର୍ଯ୍ୟ କଣ ଆପଣ ଜାଣିଛନ୍ତି କି? ବନ୍ଧୁଗଣ ରାମ ମନ୍ଦିରରେ ରାମଲଲାଙ୍କ ଆଗମନ ହୋଇସାରିଛି । ଭବ୍ୟ ରାମ ମନ୍ଦିର ଓ କୌଶଲ୍ୟା ନନ୍ଦନଙ୍କ ମନମୋହକ ମୂର୍ତ୍ତି ଦେଖି ଭକ୍ତଗଣ ଭାବ ବିହ୍ୱର ହୋଇ ଉଠିଛନ୍ତି । ୫୦୦ ବର୍ଷର ଅପେକ୍ଷା ପରେ ଆଜି ପବିତ୍ର ନଗରୀ ଅଯୋଧ୍ୟାରେ ରାଜାରାମଙ୍କ ମହଲ ନିର୍ମାଣ ହୋଇପାରିଛି ।

ଶହ ଶହ ବର୍ଷର ତପ, ଜପ, ତ୍ୟାଗ ଓ ଧୈର୍ଯ୍ୟ ପରେ ୨୨ ଜାନୁୟାରୀ ୨୦୨୪ର ଶୁଭ ମୁହୂର୍ତ୍ତରେ ରାମମନ୍ଦିରରେ ରାମଲଲାଙ୍କ ପ୍ରାଣ ପ୍ରତିଷ୍ଠା ହୋଇଛି । ରାମ ମନ୍ଦିରରେ ୫ ବର୍ଷର ବାଳକ ଶ୍ରୀରାମଙ୍କ ମୂର୍ତ୍ତି ସ୍ଥାପନ କରାଯାଇଛି ଯାହାକି ୫୧ ଇଞ୍ଚ ଅଟେ । ତେବେ ଏହି କ୍ରମରେ ଆସନ୍ତୁ ଜାଣିବା ଅଯୋଧ୍ୟାରେ ରାମଲଲାଙ୍କୁ ୫ ବର୍ଷର ସ୍ୱରୂପ କାହିଁକି ଦିଆଯାଇଛି ? ଅଯୋଧ୍ୟା ମନ୍ଦିରରେ ବିରାଜିତ ରାମଲଲାଙ୍କ ୫ ବର୍ଷର ସ୍ୱରୂପ ସମସ୍ତଙ୍କୁ ଆକର୍ଷିତ ଓ ବିମୋହିତ କରୁଛି ।

ବାଳ ସ୍ୱରୂପ ରାମ ଭଗବାନଙ୍କୁ ଦେଖି ସମସ୍ତେ ଭାବୁକ ହୋଇପଡୁଛନ୍ତି । ତେବେ ବହୁ ଲୋକଙ୍କ ମନରେ ପ୍ରଶ୍ନ ଉଠୁଛି କି ରାମଲଲାଙ୍କ ମୂର୍ତ୍ତିିକୁ ୫ ବର୍ଷର ସ୍ୱରୂପ କାହିଁକି ଦିଆଯାଇଛି ।ହିନ୍ଦୁ ଧର୍ମ ଅନୁସାରେ ୫ ବର୍ଷର ସମୟକୁ ହିଁ ବାଲ୍ୟକାଳ ମନେ କରାଯାଏ । ୫ ବର୍ଷ ପର୍ଯ୍ୟନ୍ତ ପିଲା ଅବୋଧ ହୋଇଥାଏ । ତେଣୁ ତା’ର ସବୁ ଭୁଲ୍ କ୍ଷମା କରିଦିଆଯାଏ । ହିନ୍ଦୁ ଗ୍ରନ୍ଥ ଅନୁସାରେ ୫ ବର୍ଷ ପର୍ଯ୍ୟନ୍ତ ଭଗବାନ ଓ ଦିବ୍ୟ ପୁରୁଷଙ୍କ ବାଳ ଲୀଳାର ଆନନ୍ଦ ନିଆଯାଇଛି ।

ଅଯୋଧ୍ୟାରେ ପ୍ରଭୁ ରାମଙ୍କ ମୂର୍ତ୍ତି ୫୧ ଇଞ୍ଚର ରହିଛି । ସାଧାରଣତଃ ୫ ବର୍ଷ ପର୍ଯ୍ୟନ୍ତ ଶିଶୁର ଉଚ୍ଚତା ୪୩ରୁ ୪୫ ଇଞ୍ଚ ମଧ୍ୟରେ ରହିଥାଏ । କିନ୍ତୁ ଭଗବାନ ରାମ ଯେଉଁ ଯୁଗରେ ଜନ୍ମ ନେଇଥିଲେ ସେହି ସମୟରେ ଶିଶୁଙ୍କର ଉଚ୍ଚତା ଅଧିକ ରହୁଥିଲା । ଏହା ବ୍ୟତିତ ୫୧ ଏକ ଶୁଭ ସଂଖ୍ୟା ଥିବାରୁ ରାମଲଲାଙ୍କ ମୂର୍ତ୍ତିର ଉଚ୍ଚତା ୫୧ ଇଞ୍ଚ ରଖାଯାଇଛି ।