୧୧ ଦିନ କାଳ ଏମିତି କରିବେ ମୋଦି

ରାମ ମନ୍ଦିର ପ୍ରତିଷ୍ଠା ପାଇଁ ୧୧ଦିନ କାଳ ଏମିତି କରିବେ ମୋଦି। ମୋଦିଙ୍କର ଅଲଗା ଏକ ରୂପ ଦେଖିବ ପୁରା ବିଶ୍ଵ। ମୋଦିଙ୍କର ଏମିତି କାର୍ଯ୍ୟ ପାଇଁ ସାଧୁମାନେ ପୁରା ଖୁସି।୧୧ ଦିନ କାଳ ସ୍ଵତନ୍ତ୍ର ରୀତିନୀତି କରିବେ ମୋଦି। ରାମ ଲାଲାଙ୍କର ପ୍ରାଣ ପ୍ରତିଷ୍ଠା ଗୋଟେ ଛୋଟିଆ କଥା ନୁହେଁ। ଅନେକ ରୀତିନୀତି ରହିଛି ପ୍ରାଣ ପ୍ରତିଷ୍ଠା ପାଇଁ। ଯାହାକୁ ପ୍ରଧାନମନ୍ତ୍ରୀ ମୋଦି ପୁରା ବୁଝି ସାରିଛନ୍ତି। ସେଥିପାଇଁ ଏମିତି କିଛି ନିଷ୍ପତ୍ତି ନେଇଛନ୍ତି। ଅଯୋଧ୍ୟାରେ ରାମ ଲାଲାଙ୍କ ପ୍ରାଣ ପ୍ରତିଷ୍ଠା ପୂର୍ବରୁ ପ୍ରଧାନମନ୍ତ୍ରୀ ମୋଦି ଏପରି ଏକ ନିଷ୍ପତ୍ତି ନେଇଛନ୍ତି ଯେଉଁ କାରଣରୁ ଏବେ ସାଧୁସନ୍ଥ ବହୁତ୍ ଖୁସି।ପ୍ରଧାନମନ୍ତ୍ରୀ ମୋଦି ଜାନୁଆରୀ ୨୨ରେ ଅଯୋଧ୍ୟାରେ ରାମ ଲାଲାଙ୍କ ପ୍ରାଣ ପ୍ରତିଷ୍ଠା ପୂର୍ବରୁ ଶୁକ୍ରବାର ଠାରୁ ଏଗାର ଦିନ ପର୍ଯ୍ୟନ୍ତ ବିଶେଷ ଅନୁଷ୍ଠାନ ଆରମ୍ଭ କରିଛନ୍ତି।

ମୋଦିଙ୍କର ଏହି ନିଷ୍ପତ୍ତିରେ ସାଧୁ ସନ୍ଥ ବହୁତ୍ ଖୁସି ହୋଇ ଯାଇଛନ୍ତି। ରାମ ଜନ୍ମଭୂମି ତୀର୍ଥ କ୍ଷେତ୍ର ପ୍ରଧାନ ପୂଜାରୀ ଆଚାର୍ଯ୍ୟ ସତ୍ୟେନ୍ଦ୍ର ଦାସଙ୍କ ଠାରୁ ଆରମ୍ଭ କରି ବିଜେପିର ପୂର୍ବତନ ସାଂସଦ ରାମବିଳାସ ବେଦାନ୍ତିଙ୍କ ପର୍ଯ୍ୟନ୍ତ ସମସ୍ତେ ପ୍ରଶଂସା କରିଛନ୍ତି।ଆଚାର୍ଯ୍ୟ ସତ୍ୟେନ୍ଦ୍ର ଦାସ କହିଛନ୍ତି ପ୍ରାଣ ପ୍ରତିଷ୍ଠା ପୂର୍ବରୁ ମୋଦିଜୀ ଯେଉଁ ୧୧ ଦିନିଆ ବିଶେଷ ଅନୁଷ୍ଠାନ ରଖିବାକୁ ନିଷ୍ପତ୍ତି ନେଇଛନ୍ତି ତାହା ବହୁତ୍ ଭଲ।

ସେ ନିୟମ ଜାଣନ୍ତି ଓ ନିୟମ ଅନୁଯାୟୀ ସବୁକିଛି କରୁଛନ୍ତି।ରାମ ଲାଲାଙ୍କ ଲାଗି ଏତେ ସମର୍ପିତ ହେବା ତାଙ୍କ ପାଇଁ ବହୁତ୍ ଭଲ। ଆମେମାନେ ବହୁତ୍ ଖୁସି ଅଛୁ। ଦେଶର ସବୁ ଜନତା ବି ପୁରା ଖୁସି। ତେବେ ଅଡିଓ ବାର୍ତ୍ତାରେ ପ୍ରଧାନମନ୍ତ୍ରୀ ମୋଦି କହିଛନ୍ତି ଅଯୋଧ୍ୟାରେ ରାମ ଲାଲାଙ୍କ ପ୍ରାଣ ପ୍ରତିଷ୍ଠା ଉତ୍ସବ ଆଉ ମାତ୍ର ୧୧ ଦିନ ବାକି ରହିଲା।

ମୋର ସୌଭାଗ୍ୟ ଯେ ମୁଁ ଏହି ପୁଣ୍ୟ ଅବସର ଦେଖି ପାରିବି।ପ୍ରାଣ ପ୍ରତିଷ୍ଠା ସମୟରେ ପ୍ରଭୁ ମୋତେ ଭାରତବାସୀଙ୍କର ପ୍ରତିନିଧିତ୍ଵ କରିବା ଲାଗି ନିମିତ୍ତ କରିଛନ୍ତି। ଏଥି ପ୍ରତି ଧ୍ୟାନ ଦେଇ ମୁଁ ଆଜିଠାରୁ ୧୧ ଦିନିଆ ବିଶେଷ ଅନୁଷ୍ଠାନ ଆରମ୍ଭ କରିବି। ଜନତା ଜନାର୍ଦ୍ଦନଙ୍କ ଆଶୀର୍ବାଦ ପ୍ରତ୍ୟାଶା କରୁଛି। ଏଭଳି ମୁହୂର୍ତ୍ତରେ ମନର ଆବେଗ ଭାଷାରେ ବ୍ୟକ୍ତ କରିବା କଷ୍ଟକର। କିନ୍ତୁ ମୁଁ ମୋର ପ୍ରଚେଷ୍ଟା ଜାରି ରଖିଛି।