ଦୁନିଆର ପ୍ରଥମ SMS ର ନିଲାମ ଚାଲିଛି । 1992 ରେ ଭୋଡାଫୋନ୍ କର୍ମଚାରୀଙ୍କ ଦ୍ୱାରା ପ୍ରଥମ ମେସେଜ ପଠାଯାଇଥିଲା। ସେ ତାଙ୍କ ସହକର୍ମୀଙ୍କ ନିକଟକୁ ଏହି ମେସେଜ ପଠାଇଥିଲେ ଏବଂ ଏଥିରେ ମେରୀ ଖ୍ରୀଷ୍ଟମାସ ଲେଖିଥିଲେ । ବର୍ତ୍ତମାନ ଏହି SMS £170,000 (ପ୍ରାୟ 1 କୋଟି 71 ଲକ୍ଷ) ରେ ବିକ୍ରି ହୋଇପାରେ।
ବ୍ରିଟିଶ ପ୍ରୋଗ୍ରାମର ନୀଲ ପାପୱର୍ଥ 29 ବର୍ଷ ପୂର୍ବେ 3 ଡିସେମ୍ବର 1992 ରେ ବିଶ୍ୱର ପ୍ରଥମ ବାର୍ତ୍ତା ପଠାଇଥିଲେ। ବର୍ତ୍ତମାନ ଟେଲିକମ୍ କମ୍ପାନୀ ଭୋଡାଫୋନ୍ ଏହି ବାର୍ତ୍ତା ନିଲାମ କରିବାକୁ ଯାଉଛି। ଏହି SMS ର ଡିଜିଟାଲ୍ କପି ପ୍ୟାରିସରେ ନିଲାମ ହେବ । 21 ଡିସେମ୍ବର 2021 ପର୍ଯ୍ୟନ୍ତ ଆଗାଟସ୍ ଆକ୍ସନ୍ ହାଉସରେ ଏହା ନିଲାମ ହେବ ।
ଟେଲିକମ୍ କମ୍ପାନୀ ଭୋଡାଫୋନରେ ନିଲ୍ ପାପୱର୍ଥ ଜଣେ ଡେଭଲପର୍ ଏବଂ ଟେଷ୍ଟ ଇଞ୍ଜିନିୟର ଥିଲେ । ଏହି ସମୟ ମଧ୍ୟରେ ସେ କମ୍ପ୍ୟୁଟରରୁ ତାଙ୍କ ସହକର୍ମୀ ରିଚାର୍ଡ ଜାରଭିସ୍ଙ୍କ ନିକଟକୁ ଏହି SMS ପଠାଇଲେ । 1992 ରେ, ରିଚାର୍ଡ ଜାରଭିସ୍ କମ୍ପାନୀର ନିର୍ଦ୍ଦେଶକ ଥିଲେ । ପାପୱର୍ଥ ଅର୍ବିଟାଲ୍ 901 ହ୍ୟାଣ୍ଡସେଟରେ ରିଚାର୍ଡଙ୍କ ନିକଟକୁ ଏହି SMS ପଠାଇଲେ ।
2017 ମସିହାରେ ଏକ ଇଭେଣ୍ଟ ସମୟରେ ନିଲ ପାପୱର୍ଥ ଏହା ବିଷୟରେ କହିଥିଲେ ଯେ ଯେତେବେଳେ ସେ ଏହି SMS ପଠାଇଲେ, ସେତେବେଳେ ସେ ଏତେ ପ୍ରସିଦ୍ଧ ହେବେ ବୋଲି ଭାବି ନଥିଲେ । ସେ ପିଲାମାନଙ୍କୁ ସୂଚନା ଦେଇଥିଲେ ଯେ ସେ ଦୁନିଆର ପ୍ରଥମ ଏସଏମଏସ ପଠାଇଛନ୍ତି।
ଭୋଡାଫୋନ୍ ଏସ୍ଏମ୍ଏସ୍ ନିଲାମର ଟଙ୍କା କ’ଣ ହେବ ସେ ସମ୍ବନ୍ଧରେ ସୂଚନା ଦେଇଛି। କମ୍ପାନୀ ପକ୍ଷରୁ କୁହାଯାଇଛି ଯେ ନିଲାମରୁ ଯାହା କିଛି ମିଳିବ ତାହା UNHCR-UN ଶରଣାର୍ଥୀ ଏଜେନ୍ସିକୁ ଦିଆଯିବ। ସବୁଠାରୁ ବଡ କଥା ହେଉଛି 1992 ରେ ପ୍ରଥମ SMS ପଠାଯାଇଥିଲା । 1995 ପର୍ଯ୍ୟନ୍ତ, ହାରାହାରି, କେବଳ 0.4 ପ୍ରତିଶତ ଲୋକ ପ୍ରତି ମାସରେ SMS ପଠାଉଥିଲେ ।
କିନ୍ତୁ ବର୍ତ୍ତମାନ ଲୋକମାନେ ଅଧିକାଂଶ ବାର୍ତ୍ତା SMS ରେ ମଧ୍ୟ କରନ୍ତି, କାରଣ ଏହି ବ୍ୟସ୍ତ ଜୀବନରେ ଲୋକଙ୍କ ପାଖରେ କଥାବାର୍ତ୍ତା ହେବାକୁ ସମୟ ନାହିଁ।
