ବକ୍ସିଙ୍ଗ ରିଙ୍ଗ ରେ ମୁକ୍କା ବର୍ଷା କରୁଥିବା ବକ୍ସରଙ୍କୁ ଜଣେ ମହିଳାଙ୍କ ‘ ନା ‘ ଶୁଣିବା ଏତେ ଖରାପ ଲାଗିଲା ଯେ
ବକ୍ସର ଜଣକ ମହିଳାଙ୍କୁ ମାରି ତାଙ୍କ ଅବସ୍ଥା ଖରାପ କଡ଼ିଦେଇଥିଲେ। ଅଭିଯୁକ୍ତ ବକ୍ସରଙ୍କୁ ପୋଲିସ ଗିରଫ କରିଛି। ଏହି ଘଟଣା ମେକ୍ସିକୋର ଏକ ଲାଉଞ୍ଜ ବାରରେ ଘଟିଛି । ଏହି ଆକ୍ରମଣରେ ପୀଡିତାଙ୍କ ନାକ ଭାଙ୍ଗି ଯାଇଥିବା ବେଳେ ଅନ୍ୟ ଜଣେ ମହିଳା ମଧ୍ୟ ଏହି ଆକ୍ରମଣରେ ଆହତ ହୋଇଛନ୍ତି।
27 ବର୍ଷୀୟ ବକ୍ସର ପିଟର ନୋଭାଜେକ, କାନାଡାରୁ ଆସିଛନ୍ତି, ତାଙ୍କୁ ପିଟିବା ଦ୍ୱାରା ଜେମି କାଉଟ୍ସଙ୍କ ନାକ ଭାଙ୍ଗିଥିବା ଅଭିଯୋଗ ହୋଇଛି । ଜାମି ମଧ୍ୟ କାନାଡାର ବାସିନ୍ଦା । ବକ୍ସର ଏହି ଘଟଣା ମେକ୍ସିକୋର ପ୍ଲେ ଡେଲ କାର୍ମେନର କୋଏଟ ଲାଉଞ୍ଜ ବାରରେ କରିଥିଲେ। ଆହତ ମହିଳାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଅନିୟନ୍ତ୍ରିତ ବକ୍ସର ଅନ୍ୟ ଜଣେ ମହିଳାଙ୍କୁ ମଧ୍ୟ ଆଘାତ ଦେଇଥିଲେ। ପୋଲିସ ମାମଲା ରୁଜୁ କରି ଅଭିଯୁକ୍ତକୁ ଗିରଫ କରିଛି।
ପୋଲିସ୍ କହିଛି ଯେ ‘ହାର୍ଟବ୍ରେକର୍’ ନାମରେ ନାମିତ ଏହି ବକ୍ସର ବାରରେ ଉପସ୍ଥିତ ଥିବା ଜାମି କାଉଟ୍ସ ଏବଂ ତାଙ୍କ ସାଙ୍ଗଙ୍କ ସହ ଫ୍ଲର୍ଟ କରିବାକୁ ଚେଷ୍ଟା କରୁଥିଲେ, କିନ୍ତୁ ମହିଳାମାନେ ତାଙ୍କ କାର୍ଯ୍ୟକୁ ପସନ୍ଦ କରୁନଥିଲେ। ଉଭୟେ ବକ୍ସରଙ୍କୁ ଅଣଦେଖା କରିଥିଲେ, ଯାହା ତାଙ୍କୁ କ୍ରୋଧିତ କରିଥିଲା। ସେ ଜାମି କାଉଟ୍ସଙ୍କ ମୁହଁକୁ ଜୋରରେ ପିଟିଥିଲେ, ଯାହା ଫଳରେ ସେ ଅଚେତ ହୋଇ ତଳେ ପଡ଼ିଗଲେ।
ଜଣେ ପୀଡିତା କହିଛନ୍ତି, ‘ଯେତେବେଳେ ଆମେ ତାଙ୍କୁ ଖାତିର କରି ନ ଥିଲୁ, ବକ୍ସର ରାଗିଗଲେ, ଏବଂ ହଠାତ୍ ବୁଲିପଡି ଜାମିଙ୍କୁ ମୁହଁକୁ ପିଟିଲେ’। ଏହି ଦୁର୍ଘଟଣାରେ ଜାମିର ନାକ ଏବଂ କିଛି ଦାନ୍ତ ଭାଙ୍ଗି ଯାଇଛି। ଏହା ସହିତ ତାଙ୍କ ଆଖିରେ ମଧ୍ୟ ଆଘାତ ଲାଗିଛି। ତାଙ୍କୁ ନିଶ୍ୱାସ ନେବାରେ ମଧ୍ୟ ଅସୁବିଧା ହେଉଛି । କାନାଡାକୁ ଫେରିବା ପୂର୍ବରୁ ତାଙ୍କୁ ଅସ୍ତ୍ରୋପଚାର ମଧ୍ୟ କରିବାକୁ ପଡିବ। ଜାମି ଛୁଟିଦିନ ପାଇଁ ମେକ୍ସିକୋ ଆସିଥିଲେ । ଅଭିଯୁକ୍ତ ବକ୍ସର 2019 ରେ କ୍ୟାରିଅର୍ ଆରମ୍ଭ କରିଥିଲେ ଏବଂ ବର୍ତ୍ତମାନ ପର୍ଯ୍ୟନ୍ତ ମଧ୍ୟ ଫର୍ମ ରେ ଅଛନ୍ତି।
